Notísia foun


Timor Post (01/07/2020)- Primeiru Ministru Taur Matan Ruak orienta ona Ministru Petrólium no Rekursu Minerais, Victor da Conceição Soares hodi kontinua servisu ne’ebé durante ne’e Kayrala Xanana Gusmão halo ona liuliu liga ho fronteira marítima no prosesu dezenvolvimentu tasi mane.

“Tanba ne’e ohin orientasaun ne’ebé mak ha’u simu hosi Primeiru Ministru no orienta katak, buat sira ne’e sei mantein nafatin planu sira ne’ebé mak iha ona, inklui maun Boot Xanana ninia kompeténsia ne’ebé uluk governu fó hodi halo agora mós sei mantein ho ida ne’e enkuantu laiha alterasaun,” Ministru Victor haktuir ba Jornalista sira iha Palásiu Governu, Dili, Kuarta (01/07/2020).

Victor dehan, orientasaun ne’ebé nia simu hodi nia hala’o dadauk servisu hodi hein lei orgániku no orsamentu ba ministériu ne’e nian.

Entretantu antes ne’e Governu Daualu liuhosi reuniaun estraordinária Konsellu Ministru (KM), aprova ona rezolusaun governu hodi nomea Kay Rala Xanana Gusmão nu’udar Reprezentante Espesiál Governu Timor-Leste, hodi reprezenta Estadu iha negosiasaun fronteira rai-maran ho Repúblika Indonézia.

Antes ne’e mós iha Governu Dahituk nomea Kayrala Xanana Gusmão nu’udar xefe negosiador prinsipal fronteira maritime entre Timor Leste ho Austrália. No ho lideransa Xanana nian konsege finalize ona fronteira difinitivu entre nasaun rua nian.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 3 
  • Visitors today : 397
  • Page views today : 468
  • Total visitors : 77,773
  • Total page view: 108,933

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur