Notísia foun


Timor Post (01/07/2020)- Konsellu Ministru hala’o sorumutuk iha Palásiu Governu, iha Dili no aprova projetu Dekretu-Lei ne’ebé aprezenta hosi Ministru Prezidénsia Konsellu Ministrus, Fidelis Manuel Leite Magalhães, kona-ba Orgánika Prezidénsia Konsellu Ministrus (PKM) nian.

Diploma ida-ne’e, haree ba estrutura governamental foun, altera ona orgánika PKM nian no estabelese kompeténsia hirak ne’ebé PKM iha, hodi konsidera mós nia natureza jurídika espesífika nudar departamentu governamentál, ne’ebé prezide hosi Primeiru-Ministru, no koadjuva hosi PKM.

Ministru Fidelis hatete objetivu diploma ne’e atu reforsa efisiénsia ba asaun administrativa hosi servisu administrativu hodi organiza servisu sentrál hirak ne’ebé hamahon-an iha diresaun Diretór-Jerál Administrasaun nian.

Governante haktuir ssperiénsia Ministru Reforma Lejislativa ba Asuntus Parlamentares hodi halo reforma ba prosedimentu lejislativu no ba inovasaun administrativa sei reflete iha reorganizasaun administrativa PKM nian, liuhosi kria Gabinete Apoiu Jurídiku no Gabinete ba Reforma Administrativa hodi halo preparasaun no implementasaun atu Ministru ezerse duni nia kompeténsia sira ne’ebé preveé ona iha artigu 13.º hosi orgánika VIII Governu Konstitusionál nian. Ideia ida-ne’e fó mós autonomia ba Gabinete hirak hanesan Gabinete servisu apoiu ba ezersísiu ministeriál ba funsaun Porta-Voz Governu nian no reforsu ba servisu tradusaun ba Governu tomak.

Alende ne’e informa katak KM aprova mós projetu Dekretu-Lei ne’ebé aprezenta hosi Ministru Prezidénsia Konsellu Ministru, Fidelis Manuel Leite Magalhães, kona-ba aliterasaun ba Rejimentu Konsellu Ministru nian.

“Revizaun ba Rejimentu ida-ne’e ho objetivu akomoda hodi reorganiza kompeténsia sira Membru Governu nian ho reflete ba alterasaun orgánika VIII Governu Konstitusionál nian. Sei halo revizaun ba regra hirak kona-ba prosedimentu lejizlativu Governu nian, ho konsidera hodi integra mós kompeténsia hirak reforma lejizlativa nian iha Prezidénsia Konsellu Ministru”, hatete Ministru.

Ikusliu, Konsellu Ministru aprova selebrasaun, hosi Ministru Finansas, Fernando Hanjam, ba akordu ho Banku dezenvolvimentu Aziátiku (ADB/Asian Development Bank), kona-ba kontribuisaun finanseiru hosi Fundu Resposta ba Dezastre Ázia-Pasífiku, ho valór dólar amerikanu millaun ida, hodi apoia populasaun ne’ebé afetadu hosi KOVID-19 liuliu, programa hirak ne’ebé iha relasaun ho seguransa alimentár. Kontribuisaun finanseiru ne’e sei uza hodi sosa alimentu hosi agrikultór nasionál sira no ninia distribuisaun ba família sira ne’ebé vulneravel liu.

Programane’e sei implementa hosi Organizasaun Nasoes Unidas ho koordenasaun ho Ministériu Agrikultura no Peskas.

(*/Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 410
  • Page views today : 505
  • Total visitors : 70,416
  • Total page view: 96,999

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur