Notísia foun


Timor Post (30/06/2020)—Ministru Defeza no Ministru Interior interinu, Filomeno de Jesus Paixão, ofisialmente entrega pasta Ministru Interior ba Primeiru Ministru Taur Matan Ruak assume nu’udar Ministero Interior ne’ebé hetan tiha ona pose hosi Prezidente da Republika. Serimónia fó no simu pozisaun ne’e halo iha edifísiu Ministru Interior Vila-Verde Dili Tersa (30/06).

Iha serimónia refere Ministru Filomeno Paixão, hafoin hato’o bemvindu relata mós ba Matan Ruak katak iha ministériu interior iha ema barak mak vontade hakarak servisu no kontribui ba rai ida ne’e, maibé presiza Pasiénsia no ko’alia beibeik ba sira atu bele fó dinámika seluk ba servisu iha interior nian.

Ministru defeza hatutan, nia parte sei kontinua servisu ho vice ministru interiór hodi bele tau matan diak liután ba parte polisia no F-FDTL.

“Sei kontinua koopera ho vise ministru interior hodi bele hare no hadi’a iha parte polisia nian ho di’ak liu tan no koordena ho forsa armada sira atu nune’e instituisaun rua labele ida iha priviléjiu liu duke ida, rua tenke hanesan”, hateten Paixão.

Eis Brigadeiru Jenerál relata ba eis Maiór Jenerál katak, iha parte interior nian iha diresaun tolu ne’ebé mak importante, ida mak administrasaun finansas, Imigrasaun no protesaun sivíl.

“Durante ne’e protesaun sivíl halo servisu ne’ebé boot, durante inundasaun, dezastre naturais, tenke agradese tanba sekretáriu estadu bele hala’o servisu ho laran tomak”

“Imigrasaun servisu ida ne’ebé todan preokupasaun barak ba to’o iha primeiru ministru rasik maibé ita halo, komesa dijitalizasaun atu bele implementa lei 2017 nian tanba durante ne’e ita uza lei rua lei 2013/2017. Iha diresaun jerál administrasaun finansas diretór jerál Ida ne’ebé iha esperiénsia”, hatete Paixão.

Iha diskursu simu podér ne’e  Primeiru Ministru iha nia diskursu hatete lidera Ministériu interior ne’e onra ida, tanba estadu hotu-hotu iha mundu objetivu rua, ida moris di’ak no ida seluk seguransa soberania.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,110
  • Page views today : 1,711
  • Total visitors : 72,762
  • Total page view: 100,929

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur