Notísia foun


Timor Post (29/06/2020)- Vise Primeiru Ministru no Ministru ba Planu Ordenamentu Territorial, José Maria dos Reis simu orientasaun iha loron servisu dahuluk hosi Primeiru Ministru Taur Matan Ruak atu halo konsolidasaun ba ministériu ne’ebé nia lidera molok hala’o planu.

Tanba ne’e, hafoin sorumalu ho Xefe Governu José Reis ba Jornalista sira informa, konsolidasaun  ministériu nian sei  halo iha semana ne’e nia laran.

 “Imi hotu hatene hosi ministériu planu investimentu estratéjiku agora pasa hotu ba ministériu planu ordenamentu, ne’ebé konserteza semana ne’e nia laran ha’u sei konsolida ministériu ne’e ho planu ne’ebé mak iha,” hatete Ministru José Reis ba Jornalista destaka iha Palasiu Governu Segunda, (29/06/2020).

Reis hatutan nia parte sei halo kontaktu ho ajénsia sira ne’ebé mak iha ministériu ne’e nia okos, ajénsia internasionál, sekretariadu grande projetu,  Komisaun Nasionál Aprovizionamentu ne’ebé agora muda ba finansas, atu oinsá konsolida ministériu.

Ema datoluk iha partidu FRETILIN ne’e akresenta, hafoin konsolida maka haree fali ba planu ne’ebé mak ministériu planu ordenamentu iha.

(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,093
  • Page views today : 1,745
  • Total visitors : 74,025
  • Total page view: 103,003

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur