Notísia foun


DILI-Oitavu governu konstitusional liuhosi reuniaun estraordinariu konsellu ministru aprova ona tetu orsamentu jeral estadu tinan fiskal 2020 ho montante Biliaun $1.492.3.

Ministru Presidensial Konsellu Ministru Fidelis Leite Magalhães, deklara Reuniaun estraordinariu konsellu ministru ho objetivu prinsipal atu rona no aprova ba tetu proposta orsamentu jeral estadu tinan fiskal 2020.

Nune’e mós aprova proposta kalendariu ba preparasaun sira ba orsamentu jeral estadu tinan 2020 no 2021 nian. Hafoin rona proposta hirak ne’e ne’ebé Aprezenta hosi ministeriu Finansas.

“Enkuantu tetu orsamental tinan 2020 hamutuk biliaun $1.492,3,” deklara Fidelis ba jornalista sira hafoin remata reuniaun estraordinariu konsellu ministru iha palasiu governu, segunda loro-kraik (29/6).

Eis Ministru Reforma Lejizlativu Asuntu Parlamentar ne’e hatete, kona-ba kalendariu fahe ba rua, primeiru iha dia 26 fulan augusto konsellu ministru sei apeova depois submete ba parlamentu nasional iha dia 15 fulan Setembru.

Nune’e mós kalendariu daruak ba proposta orsamentu jeral estadu tinan fiskal 2021 konsellu ministru sei aprova iha dia 25 fulan setembru no submete ba parlamentu nasional dia 15 fulan Outubru.

Entretantu, proposta orsamentu jeral estadu tinan 2020 define prioridade liu maka sensibilizasaun ba setor sosial, ekonomiku, foka ba setor saude, edukasaun no formasaun inklui bee no saneamentu.

Nune’e mós, sensibilizasaun ekonomika foka liu ba promosaun investimentu, setor privadu, kirasaun ba empregu, agrikultura, Seguransa alimentar, politika makroo ekonomia, Reforma ba administrasaun publika, ekonomia, sistema jurisiaria, Jestaun finansa publika.

Nia dehan, bazeia ba prioridade hirak ne’e, 33.8% hosi valor total orsamentu jeral estadu no sei aplika ba setor sosial, porsentu 8 ba setor edukasaun, porsentu 15 ba protesaun sosial no porsentu 11 ba setor saude.

Nia hatutan, porsentu 48.5 ba dezenvolvimentu ekonomiku no infraestrutura. Inklui medida ba sensibilizasaun ekonomika iha ambitu corona virus ka Covid-19 nian.

Jornalista: Jaime Pires / Jose Caet

 35 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur