Notísia foun


Timor Post (29/06/2020) – Prezidente Komisaun Nasionál Eleisaun (CNE-sigla Portugés), Alcino Barriz, apresia ho sidadaun ne’ebé barak komesa halo asosiasaun hodi harii tan Partidu polítika foun atu prepara aan hola parte iha eleisaun jerál tuir mai, maibé deklara to’o ohin loron CNE rasik seidauk simu naran ka lista ruma.

“To’o oras ne’e parte CNE seidauk simu buat ida hosi Partidu foun sira ne’e, maibé ita hotu rona de’it ne’ebé sai ona iha mídia sosiál”, hatete Prezidente CNE bainhira Timor Post iha CNE Lalini Larigutu Kolmera, Dili Segunda (29/06).

Nia afirma, lei No.2/2016 hatete sesé de’it lei fó dalan, maibé atu konkorre iha fali partidu ida tenke mínimu ninia apoiante to’o 20 mill iha nasionál Munisípiu, 10 mill kada Munisípiu.

“Sira rejistu ona maibé la’ós kondisaun formal hotu ona, tanba sei haree ba oin, loos duni sira hetan ema ninia apoiante ka lae ida ne’e mak presiza haree halo didi’ak”, hatete Barriz.

Nia haktuir iha esperiénsia partidu foun sira rekolla de’it ema nia eleitorál iha dalan mos dehan ne’e apoiante ona.

“As veses hanesan ne’e mak, iha eleisaun mai la konsege hetan rejistu votus to’o iha 20 mill hetan de’it Votu 4 mil ou 5 mill de’it, ne’e partidu barak hetan ona rezultadu hanesan ne’e”, haktuir Prezidente órgaun eleitorál ne’e.

Maski nune’e nia apresia ho sidadaun ne’ebé barak komesa halo asosiasaun hodi harii tan Partidu polítika foun atu prepara aan hola parte iha eleisaun jerál tuir mai.

“Ita nia Konstituisaun RDTL la bandu atu sidadaun ne’ebé de’it bele goza sira nia liberdade atu harii Partidu ne’e lei garantidu, maibé sira tenke prensa rekizitu sira formalmente tanba lei No.2/2016 ne’e rasik ezije apoiante mínimu kada Munisípiu pelumenus 10 mil no iha nasionál pelumenus mill 20.

Nia subliña rekizitu ida ne’e importante, tanba tuir lei partidu tenke halo inspesaun ida iha ministériu Justisa no tenke hetan legalizasaun hosi tribunal antes atu halo kongresu.

Alende ne’e lei mós dehan katak bainhira partidu atu konkorre, avansa ho Bandera mesak la halo koligasaun entre partidu rua ka tolu, depois Prezidente repúblika deside ona kalendáriu ba eleisaun, mak foin kria koligasaun.

Alcino espresa hanesan CNE apresia ba timoroan nia ánimu motivasaun, hakarak harii Partidu tuir país nia karakter demokrátiku. Agora, ninia obstaklu ba partidu polítika sira ida tan maka ne’e, iha lei No. 9/2017 barreira pursentu 4.
“Partidu polítika sira atu ultrapasa ida ne’e dala ruma mesak labele tenke halai ba koligasaun, labele halo nota intendimentu de’it, forma koligasaun sira tenke komunga programa, sira nia polítika, sira nia vizaun tenke hanesan tantu atu fahe kadeira osan ne’ebé sira hetan hanesan subsídiu hosi estadu sira tenke iha estatutu klaru. Sira nia koligasaun tenke prevalese ba tinan Lima tanba lista kandidatu ida ne’ebé sira hatama atu ba tuur iha uma fukun parlamentu ne’e katak lista ne’e ba mandatu tinan 5”, dehan Alcino Barriz.

(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,156
  • Page views today : 1,585
  • Total visitors : 75,593
  • Total page view: 105,417

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur