Notísia foun


Timor Post (26/06/2020) – Banku Nasionál Komérsiu Timor-Leste (BNCTL-Sigla Portugés) servisu hamutuk ho Enerjia Eletrisidade Timor-Leste (EDTL) Kaikoli hodi hari tan sukursál ida hodi atende kliente iha EDTL Kaikoli.

Diretora Jerál EDTL, Arlinda Maria do Rosário Fatima Florindo Miranda, hatete estabelesimentu ne’e bele fasilita di’ak liután serbisu atendimentu ba kliente sira.

” Ho harii sukursál iha area EDTL ne’e parte ida atu ajuda EDTL bazeia ba rekomendasaun hosi tribunal kámara de kontas ne’ebé husu diariamente EDTL ho kliente atu hatama reseita loron-loron ba keixa jerál estadu”, esplika  Arlinda ba jornalista sira hafoin remata lansamentu harii sukursál iha EDTL Kaikoli Sesta (26/06).

Diretora ne’e relata  kada tinan EDTL kobre ona reseita purvolta ona millaun $33.  Maibé ba tinan ida ne’e ho estadu emerjénsia   desizaun polítiku   fó pulsa eletrisidade gratuita ba kliente entaun reseita  lato’o tarjetu ne’ebé iha.

Maibé nia akresenta depois halo rekonsiliasaun parte governu sei tau fali osan ba iha EDTL ho montante hanesan saida mak halo ona ba kliente sira.

Iha fatin hanesan Koordenadór Difuzaun BNCTL, Manuel Rangel da Cruz, hatutan objetivu harii Unidade ida tan iha EDTL hodi hakmaan kliente sira bele asesu ba iha depózitu osan.

“Unidade ida ne’e harii ho objetivu atu hakmaan kliente sira no kliente sira labele soe tempu hodi la’o dook ba buka Unidade iha fatin Seluk hodi foti osan no hatama reseita ba estadu”, esplika Manuel.

Autoridade BNCTL ne’e haktuir mós katak durante ne’e BNCTL harii ona Unidade lubuk ida iha Dili laran ho objetivu hanesan atu hakmaan ba maluk Timoroan sira ne’ebé hakarak atu asesu ba iha BNCTL.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,100
  • Page views today : 1,688
  • Total visitors : 72,752
  • Total page view: 100,906

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur