Notísia foun


Timor Post (25/06/2020)- Eis Sekretáriu Estadu Komunikasaun Sosial no Sekretáriu Estadu Juventude no Desportu, Nélio Isaac Sarmento subliña, laiha rajaun ba governu liuhusi Ministériu Justisa atu halo alterasaun ba kódigu sivíl hodi kriminaliza defamasaun.

Nélio hatete, iha kódigu sivíl númeru 283, 284 no 285, ko’alia kona-ba liafuan sira ne’ebé akuza no trata ema ne’e iha hela. No konsidera hanesan prosesu sivíl ne’ebé ema hotu ida direitu tuir lei ne’e atu prosesa ema ne’ebé halo defamasaun. Maibé atu kriminaliza nia impaktu boot tebes liuliu ba hamate liberdade imprensa tanba jornalista sira tauk halo kontrolu sosiál tanba ema ka ukun na’in sira bele foti prosesu sulan ba kadeia.

“Ha’u sempre dehan, antes lei komunikasaun ne’e mai lei kódigu sivil iha tiha ona, iha lei kódigu sivil ita boot sira bele hare iha lei kódigu sivil numeru 283, 284 no 285 ne’e ko’alia kona-ba liafuan sira ne’ebé akuza no trata ema ne’e iha hela,” Nélio salienta.

Agora tanba de’it intensaun governu nian karik atu haree ba média sosial entaun aselera maka lei cybercrime atu fó kondisaun.

“Iita iha ANC, ita iha PSIK, ita iha ministériu trasporte no telekomunikasaun  nusa mak ita la kria mekanizmu ida ne’e ou F-FDTL mós karik iha, kria sistema integradu ida atu bele fasilita ita nia rekursu naton hodi kontrolu ba ida ne’e, fasil liu ita detekta ema (iha rede sosial),” Nélio subliña.

Sekarik dehan, rekursu seidauk iha, nia sujere, liu hosi orsamentu fundu kapital umanu investe timoroan sira ba aprende espesial liu ba servisu cybercrime nian duke kria lei kriminaliza defamasaun hodi hamate fali demokrasia.

“Tanba ne’e mak ha’u konkorda tebes di’ak liu lei defamasaun ne’e hein lai uitoan ita aselera sistema kontrola rede internet,” Nélio dehan.

Entretantu Governu daualu liuhusi Ministériu Justisa halo tiha ona esbosu ba alterasaun lei defamasaun liuliu kriminaliza defamasaun.

Relasiona ho kestaun ne’e, iha semana hirak ikus ne’e mosu krítika barak husi sosiedade sivíl, akadéiku no husi komunidade jornalista sira rasik, tanba konsidera meius ne’e atu hamate demokrasia no proteje ukun nain sira atu labele hetan krítika ba sira nia hahalok maksalak sira.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,148
  • Page views today : 1,885
  • Total visitors : 74,080
  • Total page view: 103,143

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur