Notísia foun


Timor Post (25/06/2020)- Diretór Jerál Sala Situasaun Sentru Integradu Jestau Kriza (SIJK) Brigadeiru Jeneral João Miranda “Aluk” hatete, laiha nesesidade atu estende tan Estadu Emerjénsia no resposabilidade ba oin sei pas aba Ministériu Saúde.

Aluk informa, nia parte halo ona reuniaun ho komisaun interministerial iha loron 25/06/2020 konklui ona desizaun ida ne’e.

“Tuir enkontru ne’ebé mak ohin komisaun interministerial ne’e laiha nesesidade atu halo estensaun ba situasaun emerjensia ida ne’e,” Aluk ba Jornalista sira hafoin enkontru iha Palásiu Governu, Dili.

Relasiona ho kestaun ne’e, Aluk subliña mós destinu Sentru Integradu Jestaun Krize (SIJK) katak, bainhira la estende ona estadu emerjénsia maka sentru ne’e mós laiha ona.

“Maibé ida ne’e la signifika katak, ita la hola medidas oinsá mak atu preivene COVID-19 ida ne’e, maibé responsabilidade ida ne’e sei pasa ba ministériu saude maibé purmenores ne’e governu mak sei fó sai,” Aluk subliña.

Aluk mós dehan, medidas protokolar sir aba prevensaun COVID-19 nafatin iha liuliu ba sidadaun sira ne’ebé tama sai fronteira ka iha istória kontaktu ka viajen husi nasaun afetadu sira tenke tama kuarentena.

Entretantu estadu emerjénsia ba datoluk ne’ebé Prezidente Repúblika Francisco Guterres Lú Olo deklara iha loron 28 Maiu liu ba, sei remata iha loron 27/06 2020 iha oras 00:00.

Timor Leste konsege rejista kazu pesti Corona (COVID-19) hamutuk pasiente 24, maibé iha fulan Maiu liu ba rekopera hotu ona.

Tuir atualizasaun dadus mundial haktuir, ema hamutuk 9,551,987 maka infetadu. Husi númeru ne’e na’in-485,433 mak mate no rekoperadu na’in-5,192,379

Jornalista: Jaime Pires

 11 total views,  11 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur