Diariutimorpost

Timor Post (24/06/2020)-Diretora Eskola Sekundáriu Públiku Fernando Lasama de Araújo Ainaru, Ana Maria Pereira, hateten kondisaun eskola la permite implementa regra prevensaun COVID-19 husi ministériu relevante, tanba sala de aula la sufisiente.

“Iha rekizitu 7 mak Ministériu saúde ho Ministériu Edukasaun hatún mai iha eskola. Entre criteria 7 ne’e iha ida maka problema maka distánsia fíziku” hatete Ana Maria Pereira.

Maria deskreve   alunus iha 1.685, sala aprendizajen iha 13. “kompara fali estudante ho sala, alunu barak liu” hatete.

Nia haktuir antes ne’e fahe ona turma rua dadeer ba siénsia naturais no meiudia siénsia sosiais  mós aula seidauk to’o.

 Nia husu ba Ministériu Edukasaun iha futuru tau atensaun ba eskola refere. Antes ne’e Ministru Edukasaun Joventude no Desportu (MEJD), Armindo Maia hatete bainhira simu pose nia mandatu sei foku duni ba reativa eskola, infraestrutura eskola, kualidade no moris di’ak professor sira nian.(Jornalista: Julio Salinas Soares)

Please follow and like us: