Notísia foun


Timor Post (25/06/2020)- Sekretáriu Estadu Kooperativa (SEcoop) Elizario Ferreira hateten, ninia prezensa atu halo kooperativa tanba nia la’ós ema foun iha  ba kooperativa.

“Ha’u la foun iha kooperativa ha’u mai atu halo kooperativa”, hatete Elizáriu iha serimónia simu no entrega pasta sekretáriu estadu iha iha Akait, kinta (25/06).

Servisu nia sei halo maka primeiru atu harii kooperativa iha fatin ne’ebé mak seidauk iha no    habelar kooperativa ba ema hotu-hotu.

 “Iha tinan tolu nia laran ne’e ita bele hasa’e membru kooperativa ne’e mínimu 150 ba to’o iha 250 mil, se ita bele halo ida ne’e ita bele halibur kapitál ne’e mínimu $250 milloes ba to’o iha $450 milloes”, informa atuál Prezidente Kooperativa Hanai Malu ne’e.

Maski nune’e nia rekoñese atu halo servisu sira ne’e presiza kolaborasaun ka servisu hamutuk hosi funsionáriu sira hotu.

“Ha’u presiza ita boot sira nia kooperasaun ha’u presiza dedikasaun imi nia, liu tuku 5 ba leten imi bele diskute malu ba polítiku to’o tuku malu mós urusan imi nian, maibé hosi tuku 8 to’o tuku lima oras servisu nia ne’e la’ós diskute polítika nian” afirma eis deputadu ne’e.

 Governante foun ne’e  hatutan sekretariu estadu sesante foti husik kestaun rua, ida mak diskusaun barak liu polítiku no ida mak no tarefa ida ema nain ruanulu entaun ema ruanulu mak halo ne’e diskusaun polítiku mak sei barak liu, maibé espera ida ne’e sei la akontese iha ba oin.

“Ita sei planu secoop sei tun ba baze, no planu postu administrativu ida sei iha kooperativu ida, no servisu sira ne’e ita boot sira mak sei tun ba forma halo saida mak povu hatene, ba baze hodi moris iha baze no ba la’ós atu hanorin maibé atu aprende saida mak sira iha” afirma.

Elizario mós husu ba  funsionáriu sira, fila ba uma le  dekretu lei númeru 16/2004 hodi hatene mínimu ramu hira mak iha kooperativu.

 “ita tenke fó liman ba malu hodi servisu fila ba kooperativu, ba ha’u laiha kór maibé iha mak ema timor”, Nia hakotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,162
  • Page views today : 1,593
  • Total visitors : 75,599
  • Total page view: 105,425

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur