Notísia foun

Imajen ne’e hatudu Sekretariu Estadu Sesante Nelio Isaac tara tais no entrega lembransa ba Sekretariu Estadu foun. Foto: Ep

Timor Post (25/06/2020)- Sekretáriu Estadu Juventude no Desportu (SEJD) Abrão Saldanha hatete, hakarak muda joven sira sai hosi konflitu no lori desportu hakbesik ba ema hotu.

“Prioridade ne’ebé mak iha tempu badak ne’e atu halo mak oinsá atu muda prestasaun públiku kona-ba joven mak problema ne’e ninia hun joven mak konflitu ida ne’e tenke muda, joven tenke sai atensaun  estadu tomak ninia,” Abrào ba jornalista sira iha edifísiu SEJD, Kinta (25/06/2020) hafoin enkontru dahuluk ho funsionáriu sira.

Signifika oinsá atu fó espasu ba joven sira atu espresa sira nia talentu iha kualker talentu ne’ebé mak sira iha. Tanba tuir nia, joven mak enerjia no joven kompoin metade hosi sosiedade entaun ida ne’e mak sai prioridade ne’ebé mak sei halo.

Parte desportu nian oinsá mak atu lori desportu ne’e ba ema hothotu, no desportu ba sosiedade tomak atu iha fundasaun ida ba desportu prestasaun bele prátika iha fatin hotu-hotu depois mak bele hetan atleta hodi lori nasaun ba oin.

Kona-ba joven sira barak mak preokupa ba kampu servisu, nia subliña, sei fasilita sira liu hosi formasaun atu sira bele iha mehi ba sira nia-án, ida ne’e mak estadu tenke reuni esforsu hotu-hotu  hosi governu ba joventude sira.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,057
  • Page views today : 1,281
  • Total visitors : 41,802
  • Total page view: 56,928

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur