Notísia foun


Timor Post (24/06/2020)—Membru sira husi partidu opozisaun CNRT, UDT ho Frenti Mudansa iha Parlamentu Nasionál la partisipa iha serimónia tomada de posse ba membru governu na’in-21 ne’ebé hala’o iha Palásiu Prezidensiál, Bairro-pité, Dili, Kuarta (24/06/2020).

Observsaun Timor Post haktuir, bainaka ne’ebé partisipa iha serimónia ne’e, Prezidente Parlamntu Nasionál Aniceto Guterres, Prezidente Tribunál Rekursu, ho membru governu sira ne’ebé simu posse uluk ona ho deputadu sira husi bankada apoiu governu inklui FRETILIN, PLP ho KHUNTO. Nune’e mós Prezidente PD, Mariano Assanami Sabino ho Sekretáriu Jerál, António da Conceição.

Bainaka sira husi rai liur inklui embaixador sira no reprejentante ajénsia internasionál sira.

Observasaun hatutan, Xefe Estadu Maior Jenerál F-FDTL, Maijor Jenerál Lere Anan Timur, Komandante Jeral PNTL, Faustino da Costa, mós partisipa iha serimónia ne’e. Nune’e mos Sekretariu Jerak FRETILIN, Mari Bim Amude Alkatiri.

Fonte kredivél Timor Post iha Palásiu Prezidensiál haktuir, konvite ba serimónia tomada de posse ne’e distribui mós ba Xefe Bankada sira husi opozisaun.

Iha Parlamentu Nasional, membru deputadu sira husi CNRT konsidera governu lideradu Primeiru Ministru Taur Matan Ruak defaktu. Nune’e mos konsiderasaun hanesan ba meza parlamentu nasional lideradu Aniceto Guterres.

Observasaun mós haktuir, membru governun hotu ne’ebé ba simu posse uza hotu maskara. Nune’e mós partisipante sira maioria uza maskara nu’udar prevensaun ba moras daet corona (COVID-19).

Membru governu hamutuk 21 mak simu posse inklui Vise Primeiru Ministru no Ministru ba Ordenamentu Territoriál, José Reis no Primeiru Ministru Taur Matan Ruak simu mós posse hanesan Ministru Interior.

Total membru governu tuir organigrama ne’ebé Prezidente Repúblika promulga hamutuk 43, mak hanesan:

  • Primeiru Ministru :1

  • Vise Primeiru Ministru : 2

  • Ministru : 20

  • Vise Ministru : 11

  • Sekretáriu Estadu : 11

(cao)

 32 total views,  2 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur