Notísia foun


Timor Post (23/06/2020)- Kazu UNPAZ, Domingu (21/06) madrugada hamosu diverjénsia sasin  tantu hosi Universidade no família matebian. Hosi Universidade fó sai katak matebian monu hosi andár maka mate enkuantu família matebian hetan pankada to’o mate maka soe tun. Maski nune’e rezultadu ikus polisia maka sei fó sai liuhosi prosesu investigasaun.

Iha fatin hakmatek matebian, Manleuana-Dili, maun hosi matebian Henrigue Maia Soares no Lito de Jesus, fó sasin katak informasaun matebian hetan pankada iha ulun, la’ós  monu tuun hosi andár kampus  UNPAZ.

“Iha indikasaun hatudu katak ha’u nia alin Henrigue hetan pankada hosi grupu organizadu balun  involve estudante  estajiáriu sira. Ha’u nia alin matebian hetan pankada iha ulun deskonfia ema lori martelu mak baku iha parte ulun, ho martelu mak soe tuun ba rai “, deklara Listo de Jesus ba jornalista iha mate Manleuana, Dili.

Nia hatutan kazu ne’e mai hosi planu estudante estijadu sira nian tanba durante ne’e eskola iha problema ho komunidade.

“Ami komunidade hela iha area ida ne’e nunka halo problema ho Universidade, ami defende tan ezisténsia Universidade mak iha tanba hakarak fó oportunidade ba estudante ne’ebé akaba ona eskola iha sekundária la la’o dook ona atu tama iha Universidade, tanba besik ona” hatutan.

Listo informa agora daudaun keixa hotu-hotu prosesu ona tuir baze legal, se ema ne’ebé mak kombate crime tenke ba hatán tuir krime ne’ebé  iha, no parte família matebian kolabora di’ak  ho parte universidade oinsá mak atu buka ema sira ne’ebé komete krime ba hatán iha justisa.

UNPAZ Husu Deskulpa 

Entretantu Reitór Universidade da Paz (UNPAZ), Adolmando Amaral, liu hosi konferénsia imprensa husu deskulpa ba esklaresimentu ne’ebé antes ne’e fo sai halo família laran triste.

“Universidade da Paz hakarak halo esklaresementu ba informasaun sira ne’ebé iha loron hirak liu ba katak ho informasaun ne’e família sira sente ofendidu tebes, tan ne’e  parte UNPAZ husu deskulpa. Universidade hakarak husu deskulpa ba informasaun ne’ebé fo sai tiha ona ba públiku, maibe prosesu tuir dalan legal kontinua la’o” hateten Adolmado.

Nia hatutan  UNPAZ mós hakarak hatene loloos motivu hosi matebian mai mate iha universidade ne’e  ninia prosesu la’o halo nusa, agora prosesu investigasaun la’o hela.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,103
  • Page views today : 1,700
  • Total visitors : 72,755
  • Total page view: 100,918

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur