Notísia foun


Timor Post (23/06/2020)- Governu Australianu liu hosi nia embaixadór iha Timor-Leste Peter Roberts, halo enkontru ho Primeiru Ministru Taur Matan Ruak, iha Palasiu do Governu Dili.

Hafoin enkontru remata ba jornalista nia haktuir, iha enkontru Austrália fó parabéns ba Governu TL tanba bele, jere krize koroña virus ho di’ak. No, iha parte seluk sei apoiu TL ekonomikamente liuhosi dezemvolvimentu suku no estrada rural.

“Ha’u kontente tebes bele ko’alia ho primeiru ministru ohin loron, ha’u dehan parabéns ba Timor-Leste tanba bele jere krize korona virus, no ha’u orgullu tebes tanba Austrália bele servisu hamutuk ho Timor-Leste iha luta importante ida ne’e”, embaixada haktuir ba jornalista sira iha Palasiu Governu, tersa (23/06).

Embaixadór hatutan iha enkontru ne’e hato’o mós ba Primeiru Ministru Primeiru Ministru katak, Austrália prontu servisu iha Timor leste kona-ba vijilánsia kontra korona virus no mós iha area dezenvolve ekonómiku nia.

 “Korona virus la’ós fó impaktu ba saúde de’it maibé fó impaktu mós ba parte sosiál no ekonomia ninian, no hosi krize agora, iha oportunidade atu Austrália no timor leste  servisu hamutuk iha area sira ne’ebé mak ohin temi ona”, Peter hatutan.

Embaixadór friza liután durante korona virus  Austrália ajuda liu iha area saúde maibé agora mós alende presiza halo vijilánsia ba korona virus,  mós hakarak foka ba ekonomia.

“Ezemplu, Austrália suporte ona fulan ida ne’e sei fó apoiu ba programa nasionál dezenvolve suku liu hosi orsamentu mai hosi Austrália tanba programa ne’e bele suporte komunidade iha nivel suku no fó oportunidade ba povu atu servisu no hetan osan hodi suporte sira nia moris. Ha’u hakarak esplora hanesan programa nasionál dezenvolvimentu suku  estrada rural no programa sira seluk maibé foka liu ba impaktu hosi kontra korona virus” subliña.

Reprezentante Governu Austrália iha Timor akresenta katak, durante estadu emerjénsia ne’e  ekipa hosi Forsa Defeza no Polisia Austrália no ekipa sira seluk servisu hamutuk ho governu Timor-Leste,  liuhosi Ministériu Saúde no Sentru Integradu Jestaun Krize (SIJK) durante tempu korona virus.(Jornalista: Jaime Pires)

 18 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur