Notísia foun


Timor Post (22/06/2020)- Ministra Saúde (MS), Odete Maria Freitas Belo, rekoñese fó atensaun liu ba surtu corona virus moras seluk haluhan tiha.

Eis Diretora Servisu Autónomu Medikamentu no Ekipamentu Saúde (SAMES-Sigla Portugés) hateten ne’e relasiona ho númeru moras dengue ne’ebé atinje rihun, hamate pasiente 10.
“Sim tanba de’it covid-19 ita haluha tia moras sira seluk la’ós surtu dengue ne’e, maibé iha mós moras sira seluk ne’ebé la-kontajen halo ema barak mate ona maibé dala barak tanba de’it surtu covid-19 ita fó atensaun liu ba moras pandemia ida ne’e. Dadus ida pasiente mate tanba dengue ne’e nafatin iha na’in (10) no sira kazu ne’e iha mil (1000) e tal”, hatete Odete ba Jornalista, iha Palasiu Governu segunda (22/06).

Ministra afirma pesoál saúde sira agora kontinua halo asaun prevensaun ba moras ne’e hanesan fó informasaun ba família sira katak tenke hamoos uma laran, bee labele nalihun, hanesan informasaun simples ne’ebé família tenke halo.

Entertantu Ministra foun ne’e rekoñese intervensaun ba prevensaun moras refere iha item balun menus, halo servisu tuir kondisaun ne’ebé iha.

“Ita atu ba kompras mós ita tenke hare ba aviaun sira mai ne’e semana ida dala ida no rua, entaun fó afeta tebes ba ita nia item sira ne’e”, hatutan Odete.
Maski nune’e ministra informa oras ne’e daudaun médiku sira kontinua ho karreta tama sai hodi fó informasaun ba família sira iha bairu-bairu hodi halo prevensaun ba moras dengue.

(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,053
  • Page views today : 1,432
  • Total visitors : 75,490
  • Total page view: 105,264

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur