Notísia foun


Timor Post (22/06/2020) -Vise Primeiru Ministru (VPM) Asuntu Solidariedade Sosiál no Inkluzaun (MSSI), Armanda Berta dos Santos, enkoraja feto maluk sira atu partisipa iha Dezenvolvimentu ekonomia Timor-Leste.

“Ita enkoraja ba feto maluk sira tenke esforsu-aan rasik oinsá hodi partisipa iha dezenvolvimentu ekonomia no bele foti desizaun iha partidu polítiku sira”, hateten Armanda Berta dos Santos ba jornalista sira hafoin simu audiénsia ho Rede Feto iha Salaun MSSI Kaikoli-Dili.
Berta mós apresia ho servisu asuntu sosiáis nian no elojiu mós misaun no vizaun ba Rede Feto nian kona-ba ba papél feto nian iha Timor-Leste.

“Ami simu audiénsia ho Rede Feto iha tempu ida-ne’e, sira mai informa mós sira-nia serbisu kona-ba asuntu sosiais ninian no hato’o mós sira-nia misaun no vizaun Rede Feto nian oinsá para atu bele haree kona-ba papél feto nian iha ita-nia nasaun”, informa berta dos Santos.

Alende ne’e Ministra Berta mos tebes ba feto maluk hosi Rede Feto tanba nu’udár organizasaun ida ne’ebé hala’o sira-nia papél feto nian iha Timor-Lete.

“Ha’u nu’udar feto apresia sira-nia servisu nu’udar papél feto nian iha ita-nia nasaun. Tanba ita bele haree katak Timor nia luta ne’ebé naruk tebes la’ós mane de’it maka luta maibé feto mós involve no kontribui hotu ba ita-nia luta ba hetan independénsia. Tanba ne’e, papél feto nian importante tebes hodi atu bele konsidera iha ita-nia nasaun Timor-Leste no ba mundu”, dehan VPM.
Molok hakotu segunda pesoa iha oitavu governu ne’e husu ba rede feto asfersu oinsá para atu bele hakbi’it sira-nia-aan nu’udár papel feto nian iha ita-nia nasaun.

“Ita bele dehan katak oinsá feto mós bele foti desizaun iha partidu polítiku, ekonomia no mós família nia laran,” nia hateten.

(Jornalista: Julio Salinas Soares)

 38 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur