Notísia foun

Imajen ne’e hatudu ekipa COVID-19 akompana husi parte seguransa halo hela desinfekta ba timoroan sira ne’ebe kapturadu no iha sira nia oin iha Katada ida ne’ebe autoridae sira prende mos.

Timor Post (18/06/2020)—Polísia Unidade Patrulamentu Fronteira (UPF) Bravo Kovalima kaptura tan Timoroan na’in-10 hafoin hatama tabaku sek (joker) Karon 8 hosi Indonézia mai area jurídiku Timor-Leste liuhosi dalan ilegal iha area Damuk, Suku Maudemo, Postu Administrativu Tilomar, Munisípiu  Kovalima, Kuarta (17/06/2020).

 

Komandante UPF Bravo Kovalima, João Batista haktuir, hafoin kaptura sidadaun na’in-10 no prende tabaku sek karon 8 ne’e nia parte halo kedas disenfekta no ekipa Ambulánsia COVID-19 Munisípiu Kovalima nian lori kedas timoroan sira maioria joven ne’e ba hatama iha fatin kuarentena. No tabaku sek karon 8 ne’e sei lori ba tau iha kuartel jerál UPF Bravo Kovalima, hodi halo identifikasaun sei entrega ba iha komandante Polísia Munisípiu Kovalima, liuliu ba iha Unidade investiga kriminal.

Ho kapturasaun ida ne’e, Komandante João haktuir, iha fulan Juñu nia laran UPF-F-FDTL  kaptura ona sidadaun Timoroan hamutuk na’in-11 no agora sira iha hotu kuarentena iha Kovalima.

Jornalista: Julio Salinas Soares

 29 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur