Notísia foun


Timor Post (18/06/2020) Primeiru Ministru Taur Matan Ruak (TMR), Kinta (18/06) fó pose ba Membru Komisaun ba Elaborasaun Rekuperasaun Ekonómika, iha Palásiu-do-Governu.

Estrutura simu posse maka hanesan Dr. Rui Augusto Gomes, nu’udar prezidente Komisaun, ho membru nain 4 hanesan Dr. Rui Maria de Araújo, Dr. Manuel Vong, Dr. Carlos da Silva Lopes Saky, no  Dra. Berta Montalvão.

Eis Prezidente da Repúblika iha nia diskursu iha pose ne’e hahú hosi efeitu dezastre naturais ne’ebé estraga bens públiku no sidadaun sira foin lalais, moras covid-19, moras que afeta mundu tomak inklui timor,  no impaktu ekonomia sosiál.

Maijor Jeneral F-FDTL ne’e hatutan Governu fó atensaun makas, ba impaktu sosiál liuhosi medidas ekonómika no estabilizasaun. Iha planu estabilizasaun, Governu hanoin ba planu rekuperasaun.

“Ida nee maka sai objetivu prinsipál ha’u konvida ekipa, ho partisipasaun ekipa nian para prepara ita nia planu rekuperasaun ho kresimentu ne’e” hateten Matan Ruak iha nia diskursu fó Pose estrutura komisaun rekuperasaun ekonómiku iha Palasiu do Governu Kinta (18/6).

Ruak esplika objetivu kria komisaun ne’e  Em priemeiro lugar para TL bele hetan no minimo konsensu posivel sosiedade, tanba nee situasaun ida espesiál, koroña virus nee la’ós krize de’it maibé acima de tudo oportunidade ida, entaun iha momentu ida nee hanesan oportunidade para TL bele hetan no minimo konsensu iha are sira  importante ba investimentu.

Segundu, komisaun bele define prioridade klara ne’ebé atu  hatene nesesáriu investimentu no  terseiru maka rekursu uitoan ne’ebé  TL iha, oinsá  tenke barani investe se hakarak normaliza fila fali ita nia ekonomia iha ita nia rain.

“Objetivu tolu nee maka ita kria komisaun ida ne’e”, esplika TMR.

Ba empussadus sira Matan Ruak haktuir naturalemente nia sempre informa ba nia membru Governu sira mantein reforma sira ne’ebé planeia iha 2019 no seluk, maka foku ba area produtividade no empregu.

“Ita nia investimentu tinan barak konsentra iha empregu liuliu iha kapitál dezenvolvimentu, produtividade ida ne’e neglijensia uitoan espera katak ne’e oportunidade ida ita halo investimentu ida nee no reforsa kapasidade rejiliensia, ita hare foin daudauk saúde kuandu covid iha halai tun sa’e buka fatin ne’e hatudu katak ita la preparadu ba krize sira. Mas tambem la’os de’it ba areas sira sistema nasionál de saúde maibé hare edukasaun seguransa alimentár no area sira seluk ke ita presiza reforsa para ke aumenta ita nia kapasidade atu rejiste iha momentu sira krize”, dehan Taur.

Entertantu Primeiru Ministru mos husu ba ekipa komisaun atu  hare ba mega tendénsia ekonomia mundiál rejionais, nasionais, aqui ao médiu prazu oinsá maka mundu funsiona, I halo nusa maka timor integra nia aan no mós makro ekonómiku, para hare pasu saida maka ita sei fó iha futuru.

“Hosi ha’u nia governu ami disponivel atu apoiu ita boot sira tuir posibilidade sira ne’ebé iha. Espera katak iha tempu badak ita bele hetan planu ida nee”, rekomenda PM.

Alende ne’e Matan Ruak dehan,  la’os dehan define areas importante bai investimentu, orsamentu hira maka  presiza, maibé liuliu para abilita TL ba oin com base seguransa com mais esperansa

“Parabéns ba ita boot sira, konta ho ha’u nia apoiu pesoál, konta ho ha’u nia membu governu sira tomak e dezeju susesu ba ita boot sira hotu”,hakotu TMR.

Jornalista: Jaime Pires

Editor: Mariano Martins

 

 

               

 16 total views,  2 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur