Notísia foun


Timor Post (18/06/2020)-Asaun agresaun fíziku iha parlamentu nasionál sai preokupasaun akademista Universidade Da Paz (UNPAZ)

Reitór UNPAZ, Adolmando Amaral, hatete uma fukun ne’e la’ós palku kompete agresaun fíziku, maibé fatin atu diskute hodi hadi’a rai povu nia moris.

“Ha’u nia hanoin uma fukun parlamentu ne’e la’ós palku ba ema atu hatudu agresaun fíziku ba malu maibé parlamentu ne’e fatin atu diskute povu nia interese sira”, afirma Adolmando iha nia knar fatin Kampus UNPAZ Manleuana-Dili, bainhira Timor Post konfirma relasiona ho kazu kuarta (17/6) iha PN.

Adolmando atitude sira ne’e la merese atu hatudu iha ne’ebá. Bainhira mosu deferénsia ruma diskute ho moral tanba   tuur iha ne’ebá ema  mesak kualidade no kapasidade.

“Mas, na realidade sira laiha kapasidade tuur iha ne’ebá hatudu sira nia atitude no hahalok brutalismu ba povu, la koalia kona bá povu nia moris”, hatutan.

Hare ba situasaun ne’ebé mosu iha parlamentu Adolmando sujere lider Partidu polítiku sira ne’ebé  hetan asentu iha parlamentu di’ak liu haruka rekursu  ne’ebé  iha kapasidade intelektuál.

Jornalista: Julio Salinas Soares

 18 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur