Notísia foun


Timor Post (17/06/2020)—Ministru Prezidénsia Konsellu Ministru Fidelis Leite Magalhães husu ba Jornalista sira atu labele desvio alias pengalihan isu kona-ba prosesu alterasaun lei pensaun vitalísia, tanba governu entrega tiha on aba Parlamentu Nasionál.

“Ita boot sira labele halo pengalihan isu, ne’ebé isu sira ne’e ita husik lai ida ne’ebé mak la’o ona,  no ita boot sira bele halo hanesan PR (pekerjaan rumah) ida ba husu fali iha parlamentu kona-ba buat sira ne’ebé mak antes ne’e governu aprova tia ona,” Fidelis subliña ba Jornalista sira iha Palásiu Governu, Dili, Kuarta (17/06/2020).

Fidelis haktuir, bainhira nia sei asumi pasta Ministru Reforma Lejislativa no Assuntu Parlamentar (MRLAP) inisia ona proposta alterasaun no aprezenta ba konsellu ministru halo ona aprovasaun no haruka on aba Parlamentu Nasionál hodi halo diskuti no aprova maibé to’o agora seidauk.

“MRLAP prepara no propoin mai iha konsellu ministru no aprova pois haruka ona ba iha Parlamentu,” Fidelis haktuir.

Iha tinan 2007, deputadu sira iha Parlamentu Nasionál aprova Lei No 1/2007 no Lei No2/2007 ho naran Pensaun Vitalisia no Eis Titulares. Lei ne’e fó direitu ba eis líder órgaun estadu sira, membru governu no membru parlaentu nasionál sira mandatu hotu maibé kontinua simu pensaun ho montante hanesan de’it ho saláriu báziku bainhira hala’o hela kna’ar.

Sosiedade sivíl sira durante lei ne’e aplika halo protesta oioin inklui halo demostrasaun maibé to’o agora seidauk halo alterasaun.

Durante kampaña eleitoral dala hirak liu ba partidu polítiku sira hotu halo promesa atu halo alterasaun ba lei ne’e maibé to’o agora lei ne’e sei iha hela Parlamentu Nasionál.

Jornalista: Jaime Pires

 41 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur