Diariutimorpost

Timor Post (12/06/2020)- Ministra Saúde Odete Maria Freitas hateten, Ministériu entrega ona lista subsídiu ba médiku sira ne’ebé mak iha liña frente ba Sentru Integradu Jestaun Krize (SIJK) atu haruka ba Ministra Finansas bele halo prosesu pagamentu.

“Ba lina frente hosi ami nia parte ami halo verifikasaun hotu ona ami entrega ona ba sentru jestaun krize nian” Ministra informa ba Jornalista Sira iha Palasiu do Governu sesta (12/06).

Eis Diretora Servisu Autónomu Medikamentu Ekipamentu Saúde (SAMES) ne’e hatutan Kinta (11/06)  nia parte halo  enkontru  ho sentru jestaun krize ninian no dokumentu ne’ebé aprezenta  tenke haruka  tan ba iha ministériu finansas.

“Kuandu dokumentu ne’e to’o ona iha ministériu finansas, depois ministériu finansas halo tiha verifikasaun hotu mak foin prosesu pagamentu. Totál númeru benefisiáriu ha’u la fixa loloos hira”, hatete Ministra.

Entretantu valor subsídiu la hanesan. Ministra hatete  médiku balun ne’ebé mak besik liu pasiente, ninia kustu  diferente uitoan ho sira seluk.

Jornalista: Jaime Pires

Editor: Mariano Martins

Please follow and like us: