Notísia foun


 Timor Post (15/06/2020)- Ministru Finansas Fernando Hanjam, hateten, Governu Timor-Leste hetan tan apoiu finanseiru husi Organizasaun Internasionál ILO (International Labour Organization) iha períodu kombate surtu Corona Virus.

“Ita simu apoiu osan de’it, ita foin hetan hosi ita nia doasaun ida hosi  ILO ho montante Cento e Quarenta Oito mil ($148.000)”, haktuir Ministru Fernando Hanjam hafoin enkontru rutina ho  Primeiru Ministru Taur Matan Ruak iha Palasiu Governu  segunda (15/06).

Konaba  apoiu sira seluk hanesan apoiu ekipamentu sira Ministru hatete, sira apoiu diretamente ba ministériu sira ne’ebé mak relevante.

“Ezemplu hanesan UNDP ne’e ajuda diretamente ba ministériu saúde” kompara Ministru.

Entretantu orsamentu apoiu hosi ILO nian eis Ministru Edukasaun deskreve sei a loka ba despeza rutina, hanesan aluga kareta tanba agora daudaun ba munisípiu sira ba pagamentu subsídiu ne’e.

“ILO rasik mak husu atu selu despeza sira ne’e hotu entaun ita halo despeza ba sira ne’e” subliña.

Jornalista: Jaime Pires

Editor: Mariano Martins

 75 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur