Notísia foun


Timor Post (15/06/2020)- Prezidente Autoridade Rejiaun Espesiál Oe-Kusi Ambeno (RAEOA) Arsénio Bano, segunda (15/06) hasoru Vise Primeiru Ministru Asuntu Sosiál, Armanda Berta, iha MSSI Kaikoli, hodi husu aselera pagamentu subsídiu $200 ba uma kain iha enklave Oekusi.

“Ohin mai atu husu vise primeiru ministru nia tulun atu aselera pagamentu subsídiu $200 ne’e ba Oe-kusi”, Bano informa ba jornalista sira hafoin enkontru ho VPM iha edifísiu MSSI Kaikoli, segunda (15/06).

Hatán ba ne’e Arsénio hatete kontente tanba vise primeiru ministru sei halo servisu hamutuk hodi aselera pagamentu refere iha Oe-kusi.

Nia hatutan hosi semana ida ne’e no semana oin ekipa hosi ministériu solidariedade ninian tun atu halo sosializasaun halo informasaun no halo koordenasaun ho autoridade lokál sira preparativus ba subsídiu.

“Ha’u husu para ekipa ida boot forte hosi ministériu solidariedade ninia tun atu ami hakarak ekipa pagamentu ba oe-kussi nia ne’e halo dala ida, la presiza segundu faze, falta de’it reklamasaun sira ne’e”, afirma  Arsénio .

Eis Ministru Solidariedade Sosiál ne’e mós relata total benefisiáriu iha Oe-Cusse hamutuk rihun 23 mil mak atu hetan subsídiu $200 kada uma kain.

Entertantu pagamentu subsídiu $200 iha munisípiu sanulu resin rua  hahú  ona iha loron (09/06).

Jornalista: Jaime Pires

Editor: Mariano Martins

 

 20 total views,  2 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur