Notísia foun


Timor Post (12/06/2020)- Primeiru Ministru Taur Matan Ruak, lembra katak Prezidente Autoridade eleitu Rejiaun Espesiál Oe-Cusse Arsénio Bano koñese PM ninia karakter kritika kuandu uluk sei kaer pasta hanesan Prezidente da Repúblika.

“Senor prezidente hatene, ha’u uluk Prezidente Repúblika ha’u kritika no ohin ha’u primeiru ministru ha’u nia karater ida uluk ne’e la muda.  Matan Ruak sei nafatin só ke kargu mak la hanesan” lembra eis Guerilheiro ne’e  bainhira fó pose Prezidente Autoridade ba  Arsenio Bano iha Palasiu do Governu Sesta (12/06).

PM Taur promete  ba oin kontinua akompaña (dezemvolvimentu-Oekusse) nó husu Oe-Cusse tenke sai família ida de’it, la’ós de’it iha ibun maibé liuliu iha hahalok hotu-hotu hodi tau matan ba iha sidadaun sira.

“Ita boot sira iha inan aman ida de’it hanesan hotu, laiha ida númeru ida no la iha ida númeru  rua maibé hotu-hotu Oe-Cusse oan no Timoroan hotu tanba ne’e hanesan prezidente autoridade sei iha hotu ita boot nia liman ita boot mak kondutór no pilotu, aviaun monu no Ro mout responsabilidade ita boot nia ami sira apoiu de’it determinante mak ita boot prezidente ho nia ekipa sira”, apela TMR.

Matan Ruak dezeju boa sorte, husu Oe-Cusse oan sira tenke hamutuk.

“Iha Oe-Cusse laiha CNRT, laiha PLP, iha ne’ebá laiha Fretilín no laiha Khunto maibé iha ne’ebá ema ida de’it mak Atoni Oe-Cusse, tanba ne’e dezeju ba ekipa no ba ita nia populasaun tomak” Taur hakotu.

Jornalista: Jaime Pires

Editor: Mariano Martins

 39 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur