Notísia foun


Timor Post (12/06/2020)- Maijor Jeneral Forsa Defeza Timor-Leste, Lere Anan Timur hateten, sira haruka karta ba lider Nasional Kay Rala Xanana Gusmao tanba sira mós hanesan fundador nasaun.

“Ha’u hanoin katak karta ne’ebé mak ha’u haruka ba la’ós ha’u de’it maibé ha’u em nome forsa defeza timor-leste hanesan jeneral, ami hato’o la’ós ba maun boot Xanana de’it maibé ba lider nasional sira hothot” dehan Nia ba Jornalista sira iha Palasiu do Governu Sesta (12/06).

Nia aumenta, ami hato’o ami nia preokupasaun ne’ebé ami mós hanesan funda nasaun ida ne’e, ami la’ós fundador Fretelin ka fundador partidu ka fundador Falentil maibé nasaun ne’e ami mós fundador.

Entaun ami hare situasaun politika iha rai laran, hosi governu no iha ne’ebé de’it ami sente ladun satisfeitu entaun ami haruka surat ida ne’e ba lider istoriku sira ne’e atu sira bele tetu sira bele dasi pelumenus altera situasaun ida ne’e hodi bele halo situasaun di’ak no husik situasaun di’ak ba jerasaun tuir mai.

“Ha’u rona ona karta responde foin ha’u iha reuniaun mak dehan haruka ona ba kuartel jeneral maibé surat ne’e liu fali hosi media be ha’u mós hatene ona hs’u nia maun Xanana la responde buat ne’ebé ami hakerek ne’e no la responde tuir ami nia sentimentu” tenik Nia.

Maibé ida ne’e “nundar ha’u nia maun ami bele hasoru malu loron ida ha’u sei buka tempu ba hasoru malu ho ha’u nia maun ami ko’alia didi’ak” nia esplika.
Responde la tuir sentimentu tanba hanesan ita ukun an ne’e ita ko’alia beibeik, dala ruma konseitu buat hothotu baruk lakohi rona ona.

Tanba ita hari nasaun ne’e ho ran ho isin, no fitar sei iha ita nia isin fitar mak faluk oan ki’ak ida ne’e mak sentimentu ami hato’o ba ne’e.

Iha karta Xanana dehan retira hosi lider nasional, Lere hatan “ida ne’e ami veteranu ami tur hamutuk ami bele rezolve ida ne’e” Nia hakotu.

Jornalista: Jaime Pires

 78 total views,  1 views today

Please follow and like us:

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur