Notísia foun


Timor Post (11/06/2020)– Ministru Prezidénsia Konsellu Ministru no Ministru Koordenadór Asuntu Ekonómiku interinu, Fidelis Leite Magalhães hatete, governu atribui 7 miloes iha orsamentu dua désimu hodi loke mós prosesu  pagamentu 60% ba setór privadu.

“Ha’u hanoin iha semana rua liu ba ita ko’alia kona-ba subsídiu 60% ba kompañia ne’e no semana kotuk mós hanesan no iha ona promulgasaun lei ba ida ne’e depois konsellu ministru mós atribui iha DOT orsamentu ba iha rejime duodecimal ne’e loke dalan atu bele atribui $7 milloes atu bele hahú prosesu ida ne’e”, informa Fidelis Leite Magalhães  ba Jornalista sira iha Palasiu Governu.

Ministru Koordenadór Asuntu Ekonómiku interinu ne’e akresenta Seguransa Sosiál,  hahú tiha ona prosesu rejistu no verifikasaun iha prosesu pagamentu ba 60%.

“Prosesu hirak ne’e hotu iha hela ministériu solidariedade sosiál no inkluzaun, hodi bainhira iha diskusaun finanseiru kona-ba fonte, maibé governu deside ona DOT $7 milloens ne’e hodi atribui hodi hahú ona prosesu ida ne’e”, hatutan Magalhães.

Alende ne’e Fidelis dehan  governu oras ne’e daudaun iha hela faze ba diskusaun ba levantamentu estraordináriu atu reforsa liután kofre estadu no reforsa  medida  luta hasoru Covid-19 ou buat ne’ebé mak tau iha fundu covid-19.

Jornalista: Jaime Pires

 26 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur