Notísia foun


Timor Post (09/06/2020)- Prezidente Konsellu Imprensa (KI) Virgílio Guterres, konsidera, projetu ka ezbosu ba kriminaliza lei difamasaun hanesan ataka ida ba liberdade imprensa ne’ebé Ministériu Justisa halo.

“Konsellu imprensa hanesan instituisaun ida ne’ebé mosu atu promove liberdade imprensa iha responsabilidade no mós iha fundamentu forte atu fó reasaun, tanba konsellu imprensa konsidera katak, ezbosu ba lei ida ne’e hanesan atake ida ba liberdade espresaun tanba buka atu penaliza no kriminaliza sidadaun sira ne’ebé hato’o kritika hasoru governante sira. Ida ne’e halo atake ba liberdade espresaun no mós kontra konstituisaun repúblika rasik”, afirma Prezidente KI, Virgílio Guterres liuhosi Konferénsia Imprensa, iha Sede KI, Kintál Boot-Dili Tersa (09/06).
Nia hatutan konstituisaun RDTL artigu (9) hateten momoos estadu direitu demokrátika. Direitu katak lei rekoñese sidadaun sira hotu-hotu perante iha lei nia oin, no demokrasia katak sidadaun hotu-hotu atu hato’o nia opiniaun liu hosi meius saida de’it.
“Esbosu lei ne’ebé mak ministériu justisa foti ne’e kontra konstituisaun no mós prinsípiu internasionál ne’ebé timor leste hanesan membru internasionál no esbosu ida ne’e sei fó impaktu boot tebes ba lei sira iha komunikasaun sosiál ninia liuliu ba jornalista sira hotu no mós sei fó impaktu ba media tomak bainhira krítiku hasoru governante sira ka kuandu komete kazu ka erru ruma. (Jornalista: Jaime Pires)
Hare Referensia………………..
Altera Kodigu Penal: Golpistas Hahu Rejime Ditadura
Hafoin Halo Asaltu Poder hodi Hadau Meza Parlamentu Nasional, Governu rezultadu husi Golpe 19 Maiu 2020 halo kedas Aliterasaun ba Kodigu Penal. Aliterasaun ba KP hodi aumenta Artigu 187-A, 187-B, 187-D, 187-E, no 187-F ne’e nia objetivu maka Kriminaliza Kritika hasoru ukun na’in sira.
Aliterasaun ba KP ida ne’e fo Ameasa Bot ba Liberdade Espresaun husi Individu no media sira. KP Artigu 187-A no B Kriminaliza Defamasaun no Injúria ho Pena Prizaun tinan 1 to’o tinan 3. Liuhosi Aliterasaun ba KP ne’e maka Golpista sira sei hatama ema ne’ebe halo kritika ba sira iha kadeia ho razaun defamasaun no insulta.
Aprosimasaun modelu Ditadura ne’e maka sei lori Timor-Leste besik liutan ba Nasaun Komunista anti Demokrasia hanesan Xina no Korea Norte. Laiha Liberdade Espresaun no Imprensa iha nasaun Komunista-Popular sira ne’ebe mensiona iha leten. Antes ne’e, iha 19 Maiu 2020, Golpista sira lori uluk ona Timor-Leste ba Guinea Bissau liuhosi Aplika Hadau Poder ho forsa.
Durante Maun Bot Xanana no CNRT nia ukun, media sira livre halo publikasaun no ema hotu livre atu espresa sira nia hanoin. F2000 nia media Kla’ak Semanal lansa Publikasaun nakonu ho insultos hasoru Maun Bot Xanana no CNRT liuhosi karikatura oin-oin, maibe Xanana ho CNRT nunka halo lei atu penaliza media sira.
Uniku iha F2000 nia ukun maka Media sira sofre presegisaun, hanesan iha 2004 bainhira Governu F2000 nian duni sai STL husi nia edifisiu besika Hotel Timor. Governante F2000 sira mos lori Jornalista lubuk ida ba Tribunal durante kaer ukun. CNRTMC Kondena Golpista sira nia hahalok Kriminaliza Defamasaun no injúria no husu ba Ativista Direitu Umanu sira atu kontra hahalok dodok ida ne’e.
Demokrasia iha RDTL Hahu Hetan Ameasa, Golpista Sira Hahu Kuda Rejime Ditadura iha RDTL! Povu Timor-Leste nia Esperansa Uniku maka Maun Bot Xanana atu Restaura KRDTL no Salva Demokrasia iha Timor-Leste! Viva Kay Rala Xanana! Golpista sira sente Iritadu ho kritikas tanba sira hatene katak hahalok ne’ebe sira halo durante ne’e kontra ema nia onra, tanba ne’e sira halo lei atu ema labele kritika sira.
Hamutuk Restaura KRDTL! Hamutuk Defende Estadu Direitu Demokratiku. (TP)

 82 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur