Notísia foun


Timor Post (08/06/2020)—Prezidente Repúblika, Francisco Guterres, iha loron 5/06/2020, promulga Dekretu-Lei kona-ba subsídiu temporáriu ba sidadaun Timoroan ne’ebé hela temporaria iha nasaun hamutuk-14 iha mundu mak hanesan, Australia, Brazil, Cabo Verde, España, Estadus Unidus Amérika, Filipinas, India, Indonézia, Italia, Malázia, Portugal, Tailándia, Tanzania no Viename.

Komunikadu ba imprensa ne’ebé Timor Post asesu husi Palásiu Prezidensiál esplika, Dekretu-Lei ne’e loke dalan ba Estadu fó apoiu finanseiru ba sidadaun Timoroan ne’ebé depende eskulizamente ba rendimentu família ne’ebé hela iha Timor-Leste tanba implementasaun estadu emerjénsia ka taka fronteiras nu’udar medida preventiva no kombate pandemia COVID-19.

Sidadaun Timoroan sira ne’ebé hela temporaria iha estranjeiru sei hetan apoiu finanseiru ho kondisaun hato’o deklarasaun hodi komprova difikuldade hetan meius finanseiru atu suporta ba despeza diária no tanba fronteira ne’ebé taka labele fila fali mai Timor-Leste.

Subsídiu temporáriu ba sidadaun Timoroan hela temporaria iha estranjeiru ho periodisidade fulan-fulan durante implementasaun estadu emerjénsia iha Timor-Leste.

Atribuisaun subsídiu depende ba pedidu husi Timoroan sira ne’ebé interesadu hodi kolabora ho misaun diplomátika Timor-Leste iha area ne’ebé rezide no liuhusi koreiu eletróniku diriji ba ofisiais misaun diplomátika.

Servisu diplomátiku sira iha direitu atu ejize aprezentasaun dokumentasaun nesesáriu ba pedidu no no hatudu difikuldade hetan apoiu finanseiru ba despeza diária nian.

Tuir Dekretu-Lei katak aprezentasaun dokumentu hodi komprova katak sidadaun Timoroan iha direitu atu hetan apoiu finanseiru tenke kumpri prazu másimu loron-15 nia laran.

Ba sira ne’ebé hato’o deklarasaun falsas atu hetan apoiu finanseiru ne’e nia prosesu sei no husu atu fo-fila fali subsídiu imediatu bainhira hetan ona apoiu.

Montante subsídiu ne’ebé sei atribui ba sidadaun Timoroan iha estranjeiru depende ba kustu moris nian kada nasaun. Subsídiu temporaria ba sidadaun Timoroan iha estranjeiru sei selu husi Fundu COVID-19.

Ministériu Negosiu Estranjeiru no Kooperasaun mak entidade ida ne’ebé responsabiliza atu organiza lista benefisiáriu no hato’o ba Conselho de Gestão do Fundo COVID-19 hodi ezekuta tuir despeza. (*/cao)

Please follow and like us:

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur