Notísia foun


Timor Post (07/06/2020)—Xefe Suku Kamea Pistu Administrativu Kristu-Rei, Munisípiu Dili, Matus da Costa informa, aldeia rua mak hanesan, Ailele-hun ho Has-laran, naran laiha lista subsídiu uma kain ne’ebé aprovadu no hahú selu iha loron 8/06/2020.

Suku Kamea kompistu hosi Aldeia hamutuk-13 inklui, Namalai, Kaisabe, Bubulau, Aidak-Behare, Ailele-Hun, Lenuk-Hun, Has-Laran, Bedois, Terminal, Santu- Francisco, Suku- Laran no Ailok-Laran.

Xefe Suku haktuir, dadus ne’ebé nia parte hatama ba Ministériu Solidariedade Sosiál no Inkluzaun (MSSI) totál uma kain liu rihun tolu inklui aldeia Ailele-hun ho Has-laran, maibé hafoin simu hikas lista aprovadu husi ministériu ne’e naran aldeia rua ne’e ho total populasaun liu rihun ida mak laiha.

“Tuir dadus aprovadu ne’ebé mak ami simu hosi MSSI mai ne’e aldeia rua mak naran laiha,” Xefe Suku Mateus haktuir ba Timor Post iha nia Rezidénsia Kamea, Domingu (07/06/2020).

Maske nune’e, Xefe Suku ne’e dehan, nia rasik halo fali konfirmasaun ho Ministériu Administrasaun Estatal (MAE) fó ona orientasaun atu hadi’a ona dadus ne’e no Segunda maka sira submete fali ba MSSI.

Entretantu Xefe Suku mós haktuir, preokupasaun seluk ne’ebé nia iha mak iha suku Kamea, populasaun hosi suku seluk mós nia naran ba mosu fali iha ne’ebá, hanesan Suku Bekora Aldeia Au-Hun nia Uma Kain (39) mak ba mosu fali iha Kamea no mós Aldeia Rumit iha uma kain tolu no iha suku Makili Postu Administrativu Atauro mós kauze ba mosu hotu iha suku Kamea.

Iha sorin Seluk Antonio Da Cruz hosi Aldeia Ailele-Hun hateten, sura sente triste tanba durante ne’e sira halai ba mai hodi trata dokumentu sira ne’e hodi hatama iha sede suku maibé agora tempu ati simu sura nia naran laiha fali.

“Ami nia naran laiha ne’e ami la’ós sidadaun timor ka hansa, ita urus surat halai ba mai agira ami nia naran laiha ne’e, entaun governu ne’e konsidera ami la’ós sira nia populasaun, ha’u la hatene sala ne’e iha Xefe Suku ka iha governu,” nia salienta.

Entretantu tuir ajenda nasionál, hahú loron 8/06/2020, governu liuhusi banku BNCTL aloka ona osan ba postu administrativu sira hotu iha territóriu no funsionáriu MSSI sei servisu hamutuk ho autoridade lokál sira hodi halo pagamentu ba família uma kain ida-idak.

Ba família ne’ebé iha problem aka difikuldade ho lista pagamentu, tuir regra, MSSI sei halo fali pagamentu hafoin loron 15 halo fali verifikasaun.

Jornalista: Jaime Pires

 45 total views,  1 views today

Please follow and like us:

NOTÍSIA FOUN

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur