Notísia foun


Timor Post (06/06/2020)—Ema baku rahun estatua Nossa Señora iha Gruta Igreja Sagradu Kurasaun de Jesus, iha Bekora-Dili, Postu Administrativu Kristu-Rei, Munisípiu Dili.

Tuir kronolojia, iha loron Sesta (05/06/2020), estatua ne’e sei iha hela gruta laran, maibé iha loron Sábadu (06/06/2020) seguransa Igreja rasik mak hetan fali estatua latan hela ho kondisaun rahun iha gruta nia sorin liu metru tolu, no parte ne’ebe rahun hetan dook liu metru sanulu.

Jornalista Timor Post to’o iha fatin akontesimentu, Padre Pároku Bekora, Padre Domingos Maubere bainhira simu informasaun husi seguransa Igreja nian ba haree ona ho matan no haktuir ona informasaun ba autoridade lokál sira no halo keixa ba autoridade seguransa iha eskuadra Bekora.

Tuir observasaun, estátua ne’e rahun iha parte oin.

Polísia to’o iha fatin akontesimentu foti ona kronolojia no haree hotu faktu sira no loke investigasaun ba ema na’in-tolu.

Ba Jornalista sira iha fatin akontesimentu, Administradór Postu Administrativu Kristu-Rei, Gaspar da Silva hatete, bainhira nia rona informasaun husi autoridade lokal sira, nia ba kedas iha fatin akontesimentu hodi haree ho matan no hamutuk ho Igreja no sarani sira halo kontaktu ho polísia hodi loke investigasaun.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 7 
  • Visitors today : 1,192
  • Page views today : 1,697
  • Total visitors : 32,402
  • Total page view: 44,555

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur