Notísia foun


DILI—Expozisaun mundiál ne’ebé tuir planu hala’o iha Emiradus Árabes Unidus Dubai iha tinan 2020, konfirmadu muda ba 2021 tanba impaktu husi atake pesti corona (COVID-19) iha mundu inklui nasaun ne’e rasik. Eventu ne’e tuir tárjetu partisipa husi nasaun hamutuk atus resin inklui Timor Leste.

Koordenadór Programa Espozisaun Dubai husi Timor Leste nian, Arif Abdullah Sagran, iha loron Sesta (05/06/2020) hala’o surumutu ho Ministru Prezidénsia Konsellu Ministru, Fidelis Manuel Leite Magalhães, iha Palásiu Governu, Dili hodi diskuti kona-ba preparasaun Timor Leste nian.

Hafoin reuniaun, Arif Abdulah Sagran ba Jornalista sira haktuir, Timor-Leste mós konfirmadu partisipa iha eventu internasionál ne’e no preparasaun sira la’o tiha ona hodi prienxe eventu hamutuk lima mak hanesan, National Day, Government Summit, Culinary, Exhibition no Tee Coffee Day.

“Ita la espera sira (uma nain ba expozisaun) fó fatin ba Timor-Leste. Espasu ida ne’ebé luan ka médida 250 metru kuadradu, entaun sasan ne’ebé ita atu tau iha fatin ne’ebá ita prepara hotu ona,” Arif hatete.

Tuir koordenadór ne’e, orsamentu ne’ebé governu Timor-Leste prevee hodi partisipa iha eventu espozisaun Dubai hamutuk tokon $2.

Antes ne’e, delegasaun ida husi Timor-Leste partisipa ona, iha loron 29 no 30 fulan-novembru, iha Sorumutuk Internasionál Partisipante sira nian (International Participants Meeting, IPM) iha Expo tinan 2020, iha Dubai.

IPM dahaat ne’e konta ho prezensa husi delegasaun timoroan, ne’ebé lidera husi Autoridade Nasionál ba Expo tinan 2020 Dubai, Francisco Kalbualdi Lay. Eventu ne’e, konta mós ho prezensa husi partisipante maizumenus rihun ida husi mundu tomak, entre membru no funsionáriu governamentál sira, delegadu no parseiru komersiál sira husi país maizumenus 200, no organizasaun partisipante sira, aleinde reprezentante sira husi Gabinete Internasionál Espozisaun (Bureau International des Expositions, BIE) no membru sira husi Komité Superiór Expo tinan 2020 Dubai nian.

Iha momentu ne’eba, Ministra Estadu ba Kooperasaun Internasionál Emiradus Árabes Unidus nian no Diretora Jerál Expo, Reem Al Hashimy, hatete, Dubai no Emiradus Árabes Unidus sei halibur mundu ba Expo Mundiál ida ne’ebé promove kolaborasaun no hein katak bele kria diálogu globál nakloke ida ne’ebé sei permite ita atu haree ba futuru ho otimizmu renovadu. (kyt)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 144
  • Page views today : 191
  • Total visitors : 78,150
  • Total page view: 109,502

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur