Notísia foun


MANUFAHI—Ai-hun boot ida derepente de’it monu hodi taka total dalan iha Aldeia Ladiki, Suku Letefoho, Postu Administrativu Same Villa, Munisipiu Manufahi. Akontesimentu ne’e mosu iha loron Tersa (26/05/2020 maizumenus tuku 6:30.

Estrada ne’ebé ai monu ba liga ba Suku Tutuluro Postu Administrativu Same no Suku Mindelo, Suku Aitemua Postu Administrativu Turiskai no Fahinehan, Bubususu, no suku Kaikasa Postu Administrativu Fatuberlio.

Tuir observasaun Timor Post, udan tau maka’as durante semana ida liu ba iha parte tasi mane. Nune’e tuir komunidade sira iha área ai monu ne’e katak akontesementu ne’e mosu tanba rai mamar.

Observasaun haktuir, akontesimentu ne’e la rejulta ema mane no kanek, maibé impede total movimentu transporte tantu kareta ho motor.

Armando da Costa nu’udar komunidade iha área akontesimentu ne’e haktuir, ai ne’e monu bainhira nia ho motor tula ho masa mamuk atu ba kuru bee, maibé la konsege tanba ai monu tama metin ona dalan ba bee matan.

“Ha’u la konsege ba kuru beee tanba ha’u tun mai pás los ai-hun hira ne’e tohar tun mai no sorti ha’u mak mai sedu aí-tohar tan ba ha’u,” Armando haktuir ba Jornalista Timor Post, Tersa (26/06/2020).

Armindo husu ba autoridade kompetente liuliu Bombeiro atu ba tesi tiha ai ne’e hodi nune’e bele normaliza fali movimentu transporte públiku.

To’o notisia ne’e publika seidauk iha asaun ruma husi autoridade kompetente sira. (lcl)

Please follow and like us:

NOTÍSIA FOUN

Site Statistics

  • Users online: 12 
  • Visitors today : 352
  • Page views today : 424
  • Total visitors : 79,604
  • Total page view: 111,505

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur