Notísia foun


DILI—Xefe Bankada FRETILIN atuál Prezidente Parlamentu Nasionál Aniceto Guterres afirma, halo mudansa radikál ba estrutura meza liuliu iha Sekretaria no Komisaun Espesializada sira iha Parlamentu Nasionál ne’ebé domina husi Bankada CNRT.

Aniceto afirma kestaun ne’e ho rajaun liuhusi mudansa ne’e maka bele garante liu funsionamentu servisu iha Parlamentu Nasionál.

“Ha’u hanesan Prezidente Parlamentu hein hela entendimentu husi bankada maioria parlamentar hodi aprejenta kandidatu sira,” Aniceto ba Jornalista sira iha Uma Fukun Parlamentu Nasionál iha loron hirak liu ba.

Aniceto informa, nia parte tau ona iha ajenda ba loron hirak nia laran halo ona plenária ba halo diskusaun no halo aprovasaun.

Maske nune’e, Deputadu KHUNTO atuál Vise Prezidente Parlamentu Nasionál, Luis Roberto hatete, mudansa saida de’it iha parlamentu nasionál la’ós tanba maioria de’it maka tenke halo h radikál.

“Ita lalika radikál liu ba ita nia partidu para hamosu buat ne’ebé ita lakohi atu mosu. Labele dehan FRETILIN, PLP ho KHUNTO mak domina buat hotu, ne’e KHUNTO mós lakohi ida ne’e,” Luis hatete.

Entretantu atuálmente Sekretária Meza okupa husi Deputada CNRT, Maria Terezinha Viegas no Vise Sekretária okupa husi Deputada Frenti Mudansa (FM), Isabel Maria Freitas Ximenes.

Inkuantu iha KOmisaun Espesializada sira, Komisaun A, lidera husi deputada CNRT Carmelita Caetano Moniz; Komisaun B, lidera husi Deputadu CNRT Adérito Hugo da Costa; Komisaun C, lidera husi deputada CNRT Maria Fernanda Lay; Komisaun D, lidera husi deputada CNRT Virgina Ana Belo; Komisaun E, lidera husi deputadu PLP Abel Pires; Komisaun F, lidera husi deputada CNRT Maria Barreto; Komisaun G, lidera husi deputadu PLP Sabino Soares Guntur. (cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 142
  • Page views today : 167
  • Total visitors : 73,074
  • Total page view: 101,425

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur