“Primeiru hanesan Governu congratula Parlamentu tanba ultrapassa diverjénsia. Ultrapasa problema sira ne’ebé eziste, infelizmente iha problema uitoan mais hanesan bainbain ita dehan be kuandu fakar ona, ita lalika tanis tuir bee ida fakar ne’e, ita haree fila fali, nusa mak aban ne’e ba oin,” Primeiru Ministru Taur Matan Ruak.

Ba Jornalista sira hafoin hasoru malu ho Prezidente Repúblika Francisco Guterres Lú Olo iha Palásiu Prezidensiál, Kinta (21/05/2020), Taur hatete, kongratula mós populasaun tomak tanba hatudu maturidade polítika ida ne’ebé aas tebes no sai orgullu boot ida. Primeiru Ministru husu atu povu tomak kontinua hatudu nia sivismu iha tempu oinmai.

Primeiru Ministru hatama tiha ona lista naran membru Governu foun  no lei organika ba Prezidente Repúblika hodi hein kalendariu husi Xefe Estadu ba tomada posse.

Pakote ekonómiku ne’ebé aprovadu hodi fo tulun ba populasaun iha âmbito impementasaun estadu emerjénsia, maske hasoru obstakulu oinoin maibé iha tempu badak Primeiru Ministru fiar katak sei implementa. Ohin lokraik, Ministra Finansas sei halo aprezentasanu ba pakote ekonómiku no oinsá ninian implementasaun.

Entretantu Taur mós informa ba Lú Olo kona-ba Konsellu Ministru sei halo kalendarizasaun ba aprezentasaun Orsamentu Jerál Estadu ba tinan-2020 no 2021 ba Parlamentu Nasionál.

Primeiru Ministru hatete, nasaun labele kontinua funsiona ho baze duodesimu. Ho restabelesimentu normalidade iha Parlamentu Nasionál Governu sei aprezenta Orsamentu Jerál Estadu ba tinan 2020 no 2021. (cao)

 10 total views,  2 views today

Please follow and like us:

NOTÍSIA FOUN

PUBLISIDADE