DILI—Autoridade Navegasaun Aéreu Timor-Leste, Empreza Públika (ANATL, EP), hetan ona kontaktu katak Aviaun husi Filipina sei tún iha Aeroportu Internasionál Nicolau Lobato, Komoro, Dili hodi evakua sidadaun hamutuk 72 fila ba sira nia rai.

“Sim, ami simu ona informasaun katak ohin aviaun ida husi Filipina sei mai tula sidadaun na’in-72 ba sira-nia rai ida-idak,” Prezidente Konsellu ANATL, EP, Romualdo da Silva informa ba Ajénsia Tatoli, Kinta (21/05/2020).

Nia dehan, sidadaun hirak ne’e fila tanba situasaun pandemia COVID-19 ne’ebé kontinua invade nasaun sira iha mundu.

Sidadaun na’in-72 ne’ebé desidi fila ba sira nia rai kompostu husi Filipina na’in-57, Korea na’in-10, Japaun na’in-haat no Amérika na’in-ida.

Entretantu Timor Leste deklara ona livre husi pesti corona (COVID-19) iha loron 15/05/2020 hafoin rejista kazu pozetivu ida iha loron 21 Marsu 2020 no konsege rejista kazu hamutuk 24, maibé rekopera hotu.

Atualizasaun dadus mundiál iha loron 21/05/2020 haktuir, infetadu ba pesti ne’e ema hamutuk na’in-5,089,935; ema na’in 329,729 mak mate ona, no rekoperadu na’in- 2,024,208. (cao)

 15 total views,  1 views today

Please follow and like us:

NOTÍSIA FOUN

PUBLISIDADE