Notísia foun


DILI—Prezidente Sesante Parlamentu Nasionál Arão Noe de Jesus da Costa Amaral, Kinta (21/05/2020) hala’o fali nia kna’ar nu’udar deputadu iha Bankada CNRT hodi hein prosesu ne’ebé nia hatama ona ba Tribunál Rekursu kona-ba eleisaun ne’ebé hala’o hodi destitui (hatun) nia husi nia kargu.

Arão dehan, tribunal mak sei hatúr lialos ba aktu sira ne’ebé Vise Prezidente Parlamentu Nasionál na’in-rua ho deputadu sira hala’o iha loron 18 no 19/05/2020. Tanba nia konsidera nu’udar asaltu poder hodi ikus mai hili Deputadu Aniceto Guterres troka nia la liu husi dala legal.

“Aami sei halo rekursu ba tribunal tuir regras legais ne’ebé iha, mais depois ita haree, entaun ha’u mai ona iha bankada, depois ita hein desizaun husi tribunal nian kona-ba prosesu sira ne’e,” Arão ba Jornalista sira iha sala Bankada CNRT, Kinta (21/05/2020).

Nia dehan, aktu ne’ebé vise sira komete ne’e violasaun boot no lamentavel tebes. Tanba nia foti ezemplu, atu hili de’it xefe da turma ida mós tenke formal no dignu.

“Lamentavel tebes. iha eleisaun ida ne’e, mezmu ema hili xefe da turma iha eskola mós sei formal no dignu, mais eleisaun Prezidente Parlamentu Nasionál ida hanesan loos merkadu, ida ne’e mak realiza, ne’e mak ha’u hanoin lamentavel teb-tebes, mais prontu ita submete ba desizaun pois ita hein órgaun seluk nia kompeténsia,” Arão hatutan.

Tuir observasaun Timor Post eskoltu sira durante ne’e fó seguransa ba Arão mós laiha ona. (cao)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 912
  • Page views today : 1,397
  • Total visitors : 73,844
  • Total page view: 102,655

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur