DILI—Liu oras hirak nia laran Jornál Repúblika públika tiha ona akta kona-ba eleisaun ba Prezidente Parlamentu Nasionál, Aniceto Guterres, ne’ebé diriji husi vise Prezidente Parlamentu Nasionál Maria Angelina.

Jornál Repúblika mós públika akta kona-ba aprovasaun ba ajenda plenária ne’eb’e hala’o iha loron 19/05/2020 no akta kona-ba eleisaun ba destituisaun Prezidete Parlamentu Nasionál Arao Noe.

Iha akta ne’ebé Timor Post asesu haktuir, Prezidente Parlamentu Nasionál Interinu Maria Angelina atuál Vise Prezidete Parlamentu Nasionál maka diriji meza ba eleisaun dala tolu iha loron ida ne’e inklui eleisaun ba ajenda plenária, eleisaun ba destituisaun no eleisaun ba Prezidente Parlamentu Nasionál foun.

Maske nune’e, Deputadu sira husi bankada CNRT hatama tiha ona keixa ba Ministériu Públiku (MP) tanba konsidera eleisaun sira ne’ebé hala’o iha loron ne’e illegal tanba viola konstituisaun no rejimentu parlamentu nasionál liuliu vise prezidente parlamentu sira la hetan delegasaun kompeténsia maibé ba lidera meza, ne’e nu’udar asaltu de poder.

Maske nune’e, Vise Prezidenti Maria Angelina akompaña husi Vise Prezidente Daruak Luis Roberto lidera plenária destituisaun Prezidente Parlamentu Nasionál ne’ebe ikus mai halo votasaun ba destituisaun Prezidente Parlamentu Nasional Arao Noe ho votus 23 husi FRETILIN, 8 husi PLP no 5 husi KHUNTO.

Hafoin ne’e, votasaun tuir fali kedas hodi hili kandidatu Uníku Deputadu Aniceto L. Guterres eleitu ba Prezidenti Parlamentu Nasionál foun, ho votus a favor 40, inklui votus 4 husi PD.

Prosesu Plenária ne’ebé Viseprezidenti nian rua konvoka hetan blokeia hosi Deputadu Bankada CNRT sira, nune’e laiha diskusaun no halo deit votasaun.

Observasaun ne’ebé Timor Post haktuir, votus husi Partidu Demokratiku maihusi Prezidenti PD Mariano Assanami Sabino, Deputada Elvina Souza, Deputadu Adriano do Nacimento, Deputadu Ernesto Fernandes ‘Dudu’.

Nune’e mos Deputadu Bankada CNRT, PUDD, UDT ho FM, inklui Deputadu António da Conceição ‘Kalohan’ hosi PD ho total Deputadu nain 25 lafo Votus. (cao)

 7 total views,  1 views today

Please follow and like us:

NOTÍSIA FOUN

PUBLISIDADE