Notísia foun


DILI – Embaxadór Indonézia mai Timor-Leste, Sahat Sitorus kestiona kona-bá oras loke aktividade negósiu iha liña fronteira terrestre, tanba durasaun oras rua de’it hahú hosi tuku 10:00 dadersan to’o tuku 12:00 meiudia. Tanba ne’e nia husu atu bele prolonga tan oras.

“Ha’u hakarak husu karik iha futuru bele prolonga tan, tanba persiza ne’e maka’as, karik oras rua de’it alfândega, no bea cukai, no imigrasun parese iha pasa ravista la sufsiente,” Sitorus hatete.

Ho nune’e  nia espera guvernu rua bele deskute fali hodi bele prolonga tan oras hodi haree mos servisu ajénsia sira iha liña fronteira sira, tanba oras rua de’it la sufisiente ba sira hodi halo servisu.

Nia husu atu ajénsia sira iha liña froneira hotu-hotu tenke suporta nune’e nesesidade báziku, no aimoruk ninian sirukulasaun iha liña fronteira labele para, tanbá ne’e persija koperasaun bilateral entre ajensia sira nune’e atividade hotu bele la’o  di’ak.

Entretantu akordu entre Timor Leste ho Repúblika Indonézia liuliu iha liña fronteira sira durante luta rai rua nian hasoru pesti corona ka moras daet COVID-19, liuliu kona-ba sirkulasaun nesesidade báziku iha liña fronteira rai, tasi no lalehan.

Sitorus haktuir, sirkulasaun nesesidade báziku iha liña fronteira sira, hanesan Mora-Ain, Suai, no Oekusi to’o agoa kontinua la’o ho di’ak tebes, maibé presiza mak hasae tan oras.

“Ita labele difikulta, tanbá bainhira ita difikulta orsida ninia folin sei sa’e, tanbá dutrina ekonomia mak nune’e ona, bainhira persija maka’as, sasan sira nian folin sei sa’e, tanbá ne’e mak mai ita kuidadu, nune’e buat hotu la’o di’ak, labele para, tanbá ema tenke haan loron-loron,” Embaixador Sitorus  ba Jornalista sira iha Aeroportu Intérnasionál Nicolau Lobato, Komoro-Dili, iha loron 15/05/2020. (res)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 721
  • Page views today : 1,079
  • Total visitors : 73,653
  • Total page view: 102,337

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur