Notísia foun

Mandatory Credit: Photo by Antonio Dasiparu/EPA-EFE/Shutterstock (9714888a) Arao Noe de Jesus Inauguration for new Parliament members in Dili, Timor-Leste – 13 Jun 2018 Newly pointed East Timorese Parliament Chairman Arao Noe de Jesus talks to journalists during an inauguration ceremony for new parliament members in Dili, East Timor, also known as Timor Leste, 13 June 2018. According to media reports, The Parliamentary Majority Alliance (AMP) with three political parties led by the National Congress for Timorese Reconstruction (CNRT) secured a majority in the parliamentary election.

DILI—Prezidente Parlamentu Nasionál Arão Noe reafirma pozisaun katak, laiha ona dalan ba deputadu sira husi FRETILIN, PLP ho KHUNTO ezije plenária ba destituisaun nia no kontinua hein Prezidente Repúblika Francisco Guterres Lú Olo atu dissolve Parlamentu Nasionál.

Pozisaun ne’e Arão reafirma liuhusi konferénsia ba imprensa, Kinta (14/05/2020) iha gabinete Prezidente Parlamentu Nasionál, ho rajaun, hanesan deklara ona ba publiku iha loron 11 Maiu 2020 relasiona ho situasaun polítika atual iha rai laran, liga ho konstituisaun RDTL Artigu 86 (f) kona-ba kompeténsia Prezidente Republika nian deskreve katak, hakotu ka disolve Parlamentu Nasional, iha kazu krize boot institusional nian ne’ebé labele iha formasaun governu ka aprovasaun orsamentu jeral estadu nian, iha tempu naruk liu loron neen-nulu, wainhira rona tiha ona partidu polítiku sira ne’ebé hetan kadeira iha parlamentu nasional, no rona Konselu Estadu.

Hatutan tan, bazeia artigu 86 (f) iha loron 10 Fevereiru 2020 Prezidente Republika Konvoka Reuniaun Meja Redonda hodi hamosu opsaun 3, inklui opsaun ida ba partidu polítiku sira hodi halo movimentu polítika atu forma governu foun.

Nune’e mós prazu loron neen-nulu tuir Artigu 86 (f) sura husi loron 17 Janciru 2020 to’o 17 Marsu 2020. Situasaun atual hatudu katak iha ona loron 14 Maiu 2020 Laiha Partidu ka Koligasaun ne’ebé Forma Governu Foun ka Aprova Orsamentu Jeral Estadu tuir rekizitu KRDTL Artigu 86 (f).

“Ita ultrapasa tiha ona prazu loron neen-nulu, ne’ebé temi iha KRDTL Artigu 86 (f). Tanba ne’e Parlamentu Nasional V Lejizlatura hein de’it disolusaun husi Sua Exelensia Prezidente Republika tuir Konstituisaun haruka,” Arão hatete.

Tanba ne’e, Arão subliña, laiha ona dalan ba deputadu sira atu rekere distituisaun ba Prezidente Parlamentu Nasional aomezmu tempu laiha ona fatin ba plenária.

No kondena makas karta rekerimentu distituisaun ba Prezidente Parlamentu Nasional ne’ebé emvezde dirije ba Prezidente Parlamentu Nasional, rekerente  sira dirije fali ba Vise Prezidente Parlamentu Nasional, ida ne’e Kontra Rejimentu Parlamentu Nasional Artigu 17, nune’e konsidera ilegál no la tuir regra administartivu Parlamentu Nasional nian.

“Tanba durante ne’e Prezidente Parlamentu Nasional kontinua hala’o nia funsaun no nunka falta ka iha impedimentu, nune’e rekerente  nia akuzasaun katak PPN falta no iha impedimentu ne’e laloos, ilegal, no la justifikavel,” Arão subliña.

“Hau, Prezidente Parlamentu Nasional kumpremetidu atu kumpre KRDTL Artigu 2 (2) katak Estadu hakruuk ba Lei Inan no Lei Oan sira. Tanba ne’e ha’u husu ba órgaun estadu, atu ita hotu-hotu hakruuk de’it ba Lei Inan ka Konstituisaun,” Arão salienta. (flo)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 505
  • Page views today : 692
  • Total visitors : 79,016
  • Total page view: 110,759

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur