Notísia foun


DILI—Tribunál Rekursu (TR) indefere petisaun husi deputadu sira hamutuk na’in-18 ne’ebé Advogadu Manuél Tilman ho Miguel Faria prosesa ba órgaun judisiáriu ne’e atu tetu desizaun sira durante ne’e Prezidente Repúblika Francisco Guterres Lú Olo foti liuliu ba formasaun governu daualu no desizaun sira ba atu hakotu impasse polítika ita Timor Leste.

Fonte kredivél Timor Post, Tersa (12/05/2020) haktuir, rajaun husi TR hodi indefere (la simu) petisaun ne’e tanba rajaun sira kona-ba Prezidente Repúblika Francisco Guterres Lú Olo halo violasaun klara i grave ne’e obrigasaun konstitusionál maibé tenke liuhusi Parlamentu Nasionál hodi hetan apresiasaun husi membru deputadu 2/3.

Juis ne’ebé kaer prosesu ne’e no halo desizaun maka Deolindo dos Santos, Maria Natérsia Gusmão no Jacinta Correia da Costa.

Juis na’in tolu indefere petisaun ne’e iha loron Segunda (11/05/2020).

Entretantu rajaun fundamentu ne’ebé hakerek iha petisaun ne’e konsidera durante ne’e Prezidente Repúblika Francisco Guterres Lú Olo foti liga ho situasaun polítika iha rai laran konsideradu hamosu violasaun klara i grave ba obrigasaun konstitusional tuir artigu 79 (2).

Prosesu ne’e hanaran petisaun inisiál ba Tribunál Rekursu atu husu fiskalizasaun ba Tribunál Rekursu atu deklara katak iha duni violasaun klara ka la’e prinsípiu konstitusionais, liuliu liga ho desizaun la fó posse ba membru governu sira husi CNRT no prosesu sira to’o indizitasaun Primeiru Ministru ba governu dasia ne’ebé prezidente repúblika nonok tiha de’it iha dalan klaran.

Antes ne’e, liuhusi konferénsia ba imprensa iha Sede Sentral CNRT, iha Bairro dos Grillhos, Dili, Kinta (30/04/2020), Xanana akompaña husi Advogadu Senior Manuél Tilman ho Miguel Faria, Xanana afirma, atu defende lia loos no kaer metin nafatin estadu direitu demokrátiku maka prosesu ba tribunál rekusru.

“CNRT buka atu hatudu responsabilidade ba nasaun. Ita iha hela krize institusional,” Xanana hatete. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 777
  • Page views today : 1,169
  • Total visitors : 73,709
  • Total page view: 102,427

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur