Notísia foun


DILI—Prezidente Parlamentu Nasionál Arão Noe defende-an hodi rejeita pedidu destituisaun husi bankada FRETILIN, PLP ho KHUNTO ne’ebé asina husi deputadu hamutuk 33 no hatama ba gabinete Prezidente Parlamentu Nasionál iha loron 5/05/2020.

Liuhusi konferénsia ba imprensa, Segunda (11/05/2020), iha Gabinete Prezidente Parlamentu Nasionál, Arão subliña, deputadu husi bankada tolu ne’e iha direitu tuir artigu ne’ebé sira mensiona iha pedidu destituisaun 16-8, Rejimentu Parlamentu Nasional nian, maibé mós la signifika nia tenke halo tuir de’it bainhira haree ba rajaun sira laiha fundamentu polítika no jurídiku.

Tanba ne’e, Arão klarifika katak, haré ba situasaun agora ne’ebé Estadu Timor Leste iha hela Estadu Emerjénsia no haré ba pontus balu nebé mak deputadu bankada tolu fundamenta hodi akuza nia hanesan Prezidente Parlamentu Nasional, maka, nia iha direitu atu defende-an no klarifika ba publiku ba pontus sira,  mak hanesan, ho situasaun atuál liuliu ba estadu iha hela luta hasoru moras COVID-19, Orgaun Estadu hotu la funsiona hanesan bai-bain ka normal, inklui Parlamentu Nasionél. Tamba ne’e, iha reuniaun Lider Bankada deside katak se laiha agenda ba ordem do dia mak Iaiha plenéria.

“Ida ne’e mak ha’u kumpre no hala’o hela, la’ós tanba hakarak impata servisu Parlamentu Nasional nian. Tanba ne’e akuzasaun ne’e lalos no ha’u Ia simu justifikasaun iha karta pedidu ida ne’ebé hatete katak ha’u mak trava atividades Parlamentu nia hodi kria krize institusionél. Iha semana kotuk laiha reuniaun líder bankada tanba laiha agenda ba ordem do dia segunda no tersa feira, loron 4 no 5 Maiu, ne’e ha’u hala’o tuir de’it desizaun Lider bankada nian, iha fulan Marsu. Tanba ne’e mak laiha konvokatóriu.

Nia hatutan, hanesan ita hotu hatene katak Parlamentu Nasional la aprova OJE 2020 iha dia 17 janeiru 2020, maka tuir artigu 86 alinea f Konstituisaun katak wainhira liu ona loron nen nulu, maka Presidente Republika disolve Parlamentu Nasional. Parlamentu Nasional hein hela desizaun refere husi Prezidente Republika. Tamba ne’e agora Ia’ós tempu atu halo destituésaun ba Prezidente Parlamentu Nasional no meza V Legislatura nian.

Entretantu kona-ba Lei Anti Korupsaun Deputadu requerentes sira akuza Presidente Parlamentu Nasional mak trava prosesu aprova lei nee, ne’e lalos no akuzasaun ne’e falsu. Tamba lei Anti Korupsaun baixa ba Komisaun A, no iha Komisaun A ne’e Deputadu representante bakada FRETILIN 4, CNRT 3, PLP 1, PD 1, KHUNTO 1 no UDT-FM 1, prosesu aprovasaun lei iha komisaun sira Ia depende ba Presidente Parlamentu Nasional maibé depende ba agenda Komisaun no korum deliberasaun nian, Komisaun ida-idak organiza an rasik autonomamente la depende ba Prezidente Pariamento Nasional. Prezidente Parlamentu Nasiona’l, simu de’it relatoriu no informasaun husi komissaun, maibé labele interfere direta ba komisaun nia servisu. Meza hein de’it aprovasaun husi komisaun sobre Lei refere hodi bele baixa ba Plenaria. Tamba nee akuzasaun ne’ebé sita Ia los no la justifikadu.

Pontu ida ne’ebé kontesta iha rekerimentu ne’e mos mak Reuniaun Konsellu Estadu nebé Prezidente PN representa Parlamentu Nasional ba partisipa fo’o tia votus afavor, mai iha Plenéria vota kontra fali Estadu de Emergensia. Atu klarifika katak iha Reuniaun Konsellu Estadu, membro sira fo’o opiniaun de’it la iha votasaun ida, tamba tuir Konstituisaun artigu 90 numeru 1, katak KonseHu Estadu ne’e orgaun konsulta, la’ós orgaun deliberativu. Atu hato’o mos katak, tuir Regimento Konsellu Estatu nian, reuniaun Konsellu Estadu ne’e KONFIDENSIAL, tamba’ ne’e labele iha membrus Konsellu Estadu ida depois de reuniaun fo’o sai ba pabliku rezultadu ne’e. Ha’u nia opiniaun iha reuniaun Konsellu Estadu deskreve iha ata. Se Deputadu sira iha asesu ba reuniaun konsellu estadu nian, ida ne’e hatudu momos notasaun ba sigilo profissionais no segredu estadu nian, husu ba deputadu ne’ebé divulga reuniaun konsellu estadu nian tenke responsabiliza.

Tuir Konstituisaun RDTL artigu 97 hateten katak iniciativa ba lei mai husi; deputadu sira, bancada parlamentar sira no Governu. La’ós Prezidente Parlamentu Nasional mak iha kompetensia atu halo iniciativa ba lei iha projetu lei sira, també tuir rejimentu inisiativa ba lei iha Parlamentu Nasional kabe ba bankada Parlamentar no deputadu sira. Tamba ne’e akuzasaun katak Prezidente Parlamentu Nasional mak la produtivu ne’e lalos. Sé laiha produsaun lei mak partamentu nasional ne’e kabe ba responsabilidade Governu, Bankada no Deputadus. Prezidente Parlamentu nia knar tuir artigu 17 numeru 1, alinea A to’o alinea K define klaru iha nebé. (flo/cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,411
  • Page views today : 2,392
  • Total visitors : 74,343
  • Total page view: 103,650

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur