Notísia foun


DILI—Porta-Vóz Sentru Integradu Jestaun Krize (SIJK), Doutór Sérgio Lobo, Domingu (03/05/2020) liuhusi Sala de Situasaun Sentru Konvensaun Dili (CCD) informa, portuguesa na’in-rua ne’ebé pozitivu ba pesti corona (COVID-19) konkolui ona teste ba daruak tutuirs malu nian hatudu negativu.

Nune’e sira alta no husi total kazu 24 ne’ebé hahú rejistu iha loron 21 Marsu 2020, to’o loron 03/05/2020 sei hela timoroan na’in-haat mak sei iha sala izolamentu Vera Kruz, Dili.

Entretantu Doutór Sérgio haktuir, durante Timor Leste rejista kazu na’in-ida to’o notísia ne’e fó sai, total ema ne’ebé halo teste ka sai suspeitu ba COVID-19 hamutuk na’in-688.

Husi númeru ne’e, ena na’in-24 mak pozitivu, rekoperadu na’in-20, negativu 533 no hein rejultadu teste laboratórium na’in-131.

Sei iha kuarentena 316 inklui na’in-61 kumpri auto-kuarentena iha munisípiu sira, na’in-41 kumpri kuarentena iha fasilidade governu nian iha munisípiu sira, no na’in-214 kumpri kuarentena iha fasilidade governu nian iha Dili.

Númeru ne’e inklui professional saúde sira hamutuk na’in-59, na’in rua negativu ona, sei hela na’in-40 mak iha kuarentena.

Total ema ne’ebé kumpri hotu ona kuarentena no auto-kuarentena hamutuk 1898. Iha Dili 1476. No iha munisípiu sira 401. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,208
  • Page views today : 1,789
  • Total visitors : 197,926
  • Total page view: 286,045

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur