Notísia foun


Serake feto sira-ne’ebé isin-rua iha risku aas husi COVID-19?

Agora daudauk iha hela peskiza laran atu kompriende impaktu husi infesaun COVID-19 ba feto isin-rua. Dadus limitadu, maibé daudauk ne’e laiha evidénsia katak sira iha risku aas ba moras grave kompara ho populasaun enjerál.

Maibé, tanba mudansa ba sira-nia isin-lolon no sistema imunidade, ita hatene katak feto isin-rua bele hetan afeta maka’as ba infesaun respiratóriu sira. Tanba ne’e importante ba sira atu foti medida preventivu hodi proteje sira-nia an hasoru COVID-19, no hato’o sintoma posivel sira (inklui isin-manas, me’ar ka susar dada iis) ba pesoál saúde sira.

OMS sei kontinua halo revizaun no atualiza informasun no konsellu ho evidénsia barak hodi sai disponivel.

Hau inan ne’ebé isin-rua hela. Oinsá hau proteje hau-nia an hasoru COVID-19?

Feto isin-rua tenke hola medida preventivu hanesan atu evita infesaun COVID-19 hanesan mós ema sira seluk. Ita bele ajuda proteje ita-nia an liuhusi:

  • Fase ita-nia liman beibeik ho kose dezinfetante ka fase-liman ho sabaun ho bee.
  • Mantein espasu entre Ita-Boot ho ema seluk no evita aan husi fatin ne’ebé iha ema lubun boot ida.
  • Evita kaer ita-nia matan, inus no ibun
  • Prátika ijiene respiratóriu. Ne’e signifika taka ita-nia ibun no inus ho ita-nia liman-sikun ka tisu ruma bainhira me’ar ka fani. Depois so’e kedas tisu ne’e ba lixu ne’ebé ho matan metin.

Se ita sente isin-manas, me’ar ka susar dada iis, ba konsulta kedas. Telefone ka fó hatene antes ba fasilidade saúde, no halo tuir instrusaun husi ita-nia autoridade saúde.

Inan isin-rua no inan sira-ne’ebé foin partu –inklui ba sira-ne’ebé hetan infesaun COVID-19 – tenke bá halo tratamentu rutina.

Inan isin-rua bele halo teste ba COVID-19 ka lae?

Protokolu no elijibilidade ba teste muda beibeik depende ba fatin ne’ebé ita hela ba.

Maibé, rekomendasaun sira OSM nian katak inan ne’ebé isin-rua ho sintoma sira COVID-19 nian sei sai prioridade ba teste. Se sira iha COVID-19, sira sei hetan atendimentu espesiál.

COVID-19 bele pasa hosi inan ida ba nia bebé ne’ebé iha hela knotak ka bebé ne’ebé foin moris?

To’o agora ita seidauk hatene se inan ida isin-rua ho COVID-19 bele pasa virus ne’e ba nia ka’an-fuan ka bebé ne’ebé iha knotak ka partu ona. To’o agora, virus ne’e seidauk hetan ezemplu (sample) ruma hosi líkidu amniótiku ka susubeen inan nian.

Tratamentu saida maka tenki disponivel durante inan isin-rua no partu?

Inan isin-rua sira hotu, inklui sira-ne’ebé konfirmadu ka suspeitu ba infesaun COVID 19, iha direitu aas atu hetan tratamentu kualidade molok, durante no depoizde partu.

Ida ne’e inklui prenatál, partu, posnatál, intrapartu no tratamentu saúde mentál

Esperiénsia ida-ne’ebé partu ho seguru no pozitivu inklui:

  • Hetan tratamentu ho respeita no dignidade;
  • Iha prezensa akompañamentu ida durante partu
  • Komunikasaun klaru hosi parteira sira
  • Estratejia halakon moras apropriadu
  • Mobilidade durante hala’o servisu se bele, no pozisaun partu tuir hakarak

Se hetan suspeitu ka konfirmadu COVID 19, nune’e pesoál saúde tenke foti medida apropriadu hodi hamenus risku ba infesaun ba sira-nia an no sira seluk, inklui liman-moos, no uza roupa protejidu apropriadu hanesan luvas, bata no máskara médiku.

Inan isin-rua ne’ebé suspeita ka konfirmadu COVID 19 presiza partu liuhusi sezariana?

Lae. OSM fó konsellu katak sezariana só bele hala’o bainhira justifika ona medikamentu.

Modu partu tenke individualizadu no bazeia ba preferénsia inan nian hamutuk ho indikasaun obstériku.

Inan isin-rua ne’ebé hetan infesaun husi COVID-19 bele fó-susu ka lae?

Sin.  Inan isin-rua ne’ebé hetan infesaun husi COVID-19 bele fó-susu se sira hakarak. Maibé, tenke:

  • Pratika ijiene respiratóriu durante fó-susu, uza máskara se iha;
  • Fase liman antes no depois kous bebé;
  • Hamoos no hamoos ho ai-moruk (dezinfeta) ba objetu leten ne’ebé sira kaer ona.

Se hau hetan ona infesaun COVID-19 hau bele kous hau-nia bebé ne’ebé foin moris ka lae?

Sin, bele.  Kontaktu besik no antes, no fó-susu  eskluzivu tulun bebé ida ho dezenvolvidu liután. Ita tenke suporta atu:

  • Fó-susu ho seguru, ho ijiene respiratóriu ne’ebé di’ak
  • Kous bebé no isin kona malu
  • Toba hamutuk ho ita-nia bebé iha kuartu ida

Ita tenke fase-liman molok no depois kous ita-nia bebé, no mantein objetu nia leten ho moos.

Hau hetan infesaun husi COVID-19 no sente isin-baruk atu fó-susu hau-nia bebé diretamente. Saida mak hau bele halo?

Se Ita sente isin-baruk atu fó-susu ita-nia bebé tanba infesaun COVID-19 ka moras komplikasaun sira seluk, Ita tenke suporta fó-susu ita-nia bebé ho seguru liu husi dalan ida-ne’ebé posivel, disponivel no bele simu husi Ita. Ida-ne’e bele inklui:

  • Susubeen espresandu (hois no tau iha fatin apropriadu hafoin bele fó ba bebé iha kualkér tempu)
  • Relaktasaun – Fó-susu ba bebe depoisde tempu balun liu tiha
  • Doasaun susu-been husi ema seluk
Please follow and like us:

NOTÍSIA FOUN

Site Statistics

  • Users online: 0 
  • Visitors today : 528
  • Page views today : 721
  • Total visitors : 79,039
  • Total page view: 110,788

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur