Notísia foun


DILI—Ema deskoñesidu ho karreta truck ida halai dirasaun Dili ba parte Maliana, iha loron Kinta (30/04/2020) lorokraik maizumentu oras tuku neen liu,  tiru joven ida ho naran Isaac ne’ebé ho nia grupu túr halimar hela iha estrada ninin iha besik Igreja Maubara, Munisípiu Likisá.

Akontesimentu ne’e mosu halo komuniadade sira iha área ne’ebé pániku.

Komandante Polísia Nasionál Timor Leste (PNTL) Munisípiu Likisá, Superintendente Asistente Luis da Silva ba Timor Post via telefone haktuir, bainhira rona tiru ne’e, komando orienta kedas membru polísia ba to’o iha fatin akontesimentu hodi evakua vítima ba ospital no duni tuir suspeitu ho karreta ba dirasaun Maliana nian.

“Karreta truck ne’e husi dirasaun Dili ba Maliana, tula sasan kios nian. To’o iha Igreja Maubara liu uitoan, joven ho naran Isaac ho nia grupu túr hela iha dalan, maka hetan tiru (seidauk hatene kilat boot ka pistola),” Superintendente Asistente Luis informa ba Timor Post via telefone.

Komandante ne’e informa, vítima hetan kuak rua, ida iha nia kabun no ida iha liman.

Nune’e, Komandante haktuir, nia parte lori halai kedas vítima ba hala’o tratamentu intensivu iha Hospitál Nacional Guido Valadares (HNGV), Dili.

Entretantu, KOmandante Luis mós informa, bainhira polísia to’o iha fatin akontesimentu, duni tuir kedas suspeitu no halo kedas kontaktu ho komando polísia Mota-ain hodi taka dalan sira iha Fronteira, nune’e mós komando polísia Maliana nian.

To’o notísia ne’e hatun, Timor Post seidauk kofirma fali suspeitu hetan ona kapturasaun ka seidauk. (res/cao)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 989
  • Page views today : 1,248
  • Total visitors : 84,836
  • Total page view: 119,055

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur