Notísia foun


DILI— Adjuntu Sekretáriu Jerál FRETILIN, José Reis afirma, FRETILIN sempre nakloke atu hasoru malu ho forsa polítika hotu-hotu, no sempre informa ho transparensia kona-ba rezultadu sira ne’ebé reál no importante ba nasaun no povu Maubere no Buibere tomak.

“Aban bain rua, iha tempu badak ka naruk, se iha duni enkontru ruma, FRETILIN rasik mak sei informa ba públiku tomak,” José Reis subliña iha komunikadu ba imprensa ne’ebé Timor Post asesu iha loron Kuarta (29/04/2020), relasiona ho informasaun ne’ebé fó sai iha públiku kona-ba sorumutu Sekretáriu Jerál FRETILIN, Marí Bim Amude Alkatiri ho Prezidente CNRT, Kayrala Xanana Gusmão hodi ko’alia kona-ba solusaun ba situasaun polítika rai laran.

Atualmente iha komunikadu ne’e reafirma, Sekretariu Jeral Mari Alkatiri fo’o sai nota klarifikasaun ida ba públiku ne’ebé husik mensajen klaru tebes, katak FRETILIN apoiu Governu daualu atu bele garante estabilidade governativa no buka dalan atu hakotu impase politiku iha rai laran.

Tanba ne’e, José Reis husu ba públiku atu labele fi’ar ema iresponsavel balu lansa rumor iha públiku katak Xanana Gusmão ho Sekretariu Jeral Mari Alkatiri, sei hasoru malu iha tempu badak nia laran.

“Ha’u hakarak informa ba públiku tomak katak informasaun kona ba Sr Xanana no Kamarada Sekretariu Jeral Mari Alkatiri atu hasoru malu ne´e FALSU, tanba to’o ohin loron seidauk iha komunikasaun ka aprosimasaun ruma mai FRETILIN husi Sr. Xanana atu hasoru malu ho Sekretariu Jeral FRETILIN.” José Reis hatete.

Nune’e, lori lideransa FRETILIN nia naran, José Reis apelu ba kuadru, militante no simpatizanti FRETILIN sira hotu no husu ba públiku tomak atu labele monu ba lia falsu sira ne’ebé ema balun fo’o sai.

“Informasaun falsu sira ne’e bele mai ho intensaun atu hamosu deskonfiansa no atu koko estraga servisu tomak ne’ebé líder sira hala’o dadauk atu buka estabilidadi governativa no hakotu impase politiku iha rai laran,” José Reis esplika.

Husi uluk kedas to’o ohin loron, FRETILIN sempre buka atu inkluzivu no buka dalan atu bele kontribui ba estabilidadi nasional no atu hadi’a povu nia moris atu bele sai husi kiak no mukit. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 524
  • Page views today : 715
  • Total visitors : 79,035
  • Total page view: 110,782

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur