Notísia foun


DILI—Primeiru Ministru Taur Matan Ruak afirma, la-hó Parlamentu Nasionál nia apoiu, governu labele halo buat ida iha luta kontra atake pesti corona (COVID-19). Nune’e, ho aprovasaun ba autorizasaun extende estadu emerjénsia hanesan meius ida atu minimiza impaktu boot liu ba ekonomia no sosial iha territóriu.

“Ami prontu servisu hamutuk ho parlamentu nasional atu halo buat hotu-hotu, tanba la’ós difikulta ka minimiza risku, espansaun corona iha ita-nia rai, mais liu-liu minimiza ninia impaktu ekonomia sosiál iha vida ita-nia sidadaun sira nian” Primeiru Ministru Taur Matan Ruak subliña iha nia intervensaun iha plenária ba debate no apova pedidu extensaun estadu emerjénsia, iha Parlamentu Nasioná, Segunda (27/04/2020).

Taur rekoñese, estadu emerjénsia la’ós solusaun, maibé nu’udar kontribuisaun ida atu ajuda populasaun hodi prepara-aan di’ak liután iha teritóriu.

“Estadu emerjénsia la’ós solusaun, maibé kondisaun ida para ajuda ita hodi prepara kondisoens, prepara ita nia aan, para abelita ita, kapasitas ita hodi responde situasaun ne’e, liu-liu ita nia sidadaun sira,” Taur hatete.

“Ita-nia tendensia ita komesa hatete katak, tanba impaktu moras ne’e iha, vida ekonomia ladi’ak, entaun di’ak liu valoriza ida ne’e, ha’u hanoin rasosinu ida ne’e la loos, alias hanesan ha’u nia intervensaun ohin ha’u hatete entre vida ho ekonomia, ha’u hili vida depois mak ekonomia”. dehan primeiru ministru

Eis prezidentene’e mós hatene situasaun populasaun hamlaha iha Timor Leste, maibé labele uza hamlaha hanesan bandeira ida hodi jeneraliza buat hotu.

“Ha’u hatene ke situasaun ko’alia kona-ba hamlaha, istória Timor ha’u koñese iha tinan 1976-1978 ne’ebé ema mate hamlaha, konsekuénsia funu nian, ohin ita rekoñese iha familia balun rekoñese ita nia ajuda, presiza iha kondisoens no kapasidade atu identifika para apoiu ba sira, mais uza ida ne’e hanesan bandeira para jeneraliza ne’e la loos” Taur dehan.

Entretantu Parlamentu Nasionál aprova tiha ona autorizasaun ba extensaun deklarasaun estadu emerjénsia  ba fulan ida, hahú husi loron 28/04/2020 iha oras, tuku 00:00 to’o oras 23:59 loron 25/05/2020.

Timor-Leste deklara kazu pozitivu ho COVID-19 iha 21 marsu 2020. To’o loron aplikasaun estadu emerjénsia daruak nian Sentru Integradu Jestaun Krize rejista kazu pozitivu 24 no rekuperadu na’in-6. (kyt)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 1,141
  • Page views today : 1,661
  • Total visitors : 71,147
  • Total page view: 98,155

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur