Notísia foun


DILI—Primeiru Ministru Taur Matan Ruak subliña, prioridade dahuluk iha luta hasoru atake pesti corona (COVID-19) maka salva ema nia moris no tuir mai maka fó atensaun ba ema nia kabun.

“Ita haree buat rua dala ida, ida moras ne’e ataka ema mate iha mundu, ita seidauk mate maibé númeru hahú sa’e, entaun atensaun ita nian ne’e fó prioridade ba ita nia moris no tuir mai ita fó atensaun ba ita nia kabun,” Xefe Governu subliña ba Jornalista sira hafoin reuniaun semanal ho Prezidente Repúblika, Francisco Guterres Lú Olo, iha Palásiu Prezidensiál Nicolau Lobato, Bairro-pité, Dili, Kinta (23/04/2020).

Ko’alia kona-ba impaktu sosial no ekonomia husi aplikasaun estadu emerjénsia, Taur dehan, dadaun ne’e apezar de estadu emerjénsia iha, governu sei iha fleksibilidade. Tanba nia hatutan, governu uza medida proporsional ho progresivu.

“Ema sei la’o ba mai, ba loja sira. Ita boot sira haree iha fatin seluk lockdown ne’e lockdown duni, estrada ne’e mamuk. Iha Austrália ne’e ema iha dalan laiha, Kánguru mak iha fali,” Taur hatete.

Tanba ne’e, Taur husu ba populasaun sira atu tuir nafatin instrusoens sira husi ministériu saúde nian, kona-ba ijiene, distansiamentu sosial.

“Moras ida ne’e la’ós moras baibain, moras ida ke ita preokupa. Ne’e esperiénsia iha mundu seluk, ha’u espera ke labele mai ita nia rain,” Taur dehan.

Nia hatutan, prátikamente ekonomia iha mundu tomak paradu, dezempregu aumenta, kresimentu laiha, família sira terus. Tanba ne’e, nia dehan, timor sei la sees husi dezastre ida e’e.

“Agora oinsá mak ita rekopera, iha faze tuir mai ita sei hanoin ida ne’e. Agora dadauk ita haree liu ba iha impaktu imediatu. Pois ba tinan ida tinan rua ita tenke haree (dezenvolvimentu) hanesan mós nasaun sira seluk,” Taur salienta.

Surumutu ho Lú Olo, Taur haktuir, ko’alia mós kona-ba situasaun seguransa iha rai laran, preparasaun sira governu halo hodi responde ba difikuldade sira iha parte saúde nian no resposta imidiata sira husi governu ba situasaun ekonomia iha rai laran. (yto/cao)

Please follow and like us:

NOTÍSIA FOUN

Site Statistics

  • Users online: 13 
  • Visitors today : 766
  • Page views today : 1,069
  • Total visitors : 198,817
  • Total page view: 287,402

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur