Notísia foun


DILI—Iha loron Domingu (19/04/2020), Timor Leste rejista tan kazu foun ida husi pesti coronavirus (COVID-19) hodi muda númeru kazu pozetivu sa’e ba 19 inklui ho na’in ida ne’ebé rekopera iha loron 10/04/2020.

Nune’e, pasiente ne’ebé atualmente tama iha sala izolamentu Vera Kruz, Dili hamutuk na’in 22 inklui kazu provavel na’in haat.

Porta Vóz Sentru Integradu Jestaun Krize (SIJK), Doutora Odete Maria Viegas, liuhusi konferénsia ba imprensa iha Sala de Situasaun, Domingu (19/04/2020) haktuir, pasiente ne’ebé foin aumenta tan ba hamutuk kazu 18 (hahú sura husi loron 10/04/2020) mai hotu husi Hotel Lecidere ne’ebé muda ona ba kuarentena Tasi Tolu, Dili.

Tuir istória viajen, Doutora Odete haktuir, pasiente foun ne’e halo viajen husi Bandung ba Jakarta-Indonézia iha loron 30/03/2020 sa’e Travel. Husi Jakarta ba Kupang sa’e aviaun BatikAir, husi Kupang ba Atambua sa’e Bis, husi Atambua ba Batugade sa’e Ojek no husi Batugade ba Dili iha loron 31/04/2020 sa’e Bis Bintang ba hela iha kuarentena Hotel Lecidere.

Doutora Odete klarifika, pasiente na’in 22 iha sala izolamentu ne’e mai husi rejultadu teste ba suspeitu hamutuk 323 ne’ebé rejista iha loron 19/04/2020. Husi númeru pasiente ne’e na’in 208 hetan rejultadu teste negativu, na’in 92 laboratórium seidauk fó sai rejultadu. (cao)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,340
  • Page views today : 2,266
  • Total visitors : 74,272
  • Total page view: 103,524

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur