Notísia foun


DILI—Ekipa husi Sentru Integradu Jestaun Krize (SIJK) tula sai ona okupante liu ema na’in-30 ne’ebé durante ne’e kumpri kuarente iha Hotel Katuas lori fali ba fatin kuarentena foun Tasi Tolu, ne’ebé prepara husi Líder Nasionál Kayrala Xanana Gusmão ho nia ekipa voluntáriu.

Tuir observasaun Timor Post, SIJK organiza karreta kuaze sanulu ne’ebé preparadu iha Sentru Konvensaun Dili mak ba tula okupante sira sai husi Hotel Katuas ba Tasi Tolu.

Medida ida ne’e SIJK foti tanba kompriende ho psikolojikamente okupante sira iha Hotel Katuas ne’ebé pasiente pozetivu ba moras pesti corona (COVID-19) hamutuk na’in hitu sai hotu husi fatin ne’e.

Porta-Vóz Sentru Integradu Jesaun Krize, Sérgio Lobo liuhusi konferénsia ba imprensa iha 15/04/2020 hatete, normal ba okupante sira tau kestaun katak Hotel Katuas la seguru ona ba sira. Tanba ne’e, SIJK halo esforsu hodi muda sai ba fatin seluk.

“Muda sira ba fatin selul ho rajaun psikolojia sira m trauma ho fatin ne’eba,”Doutór Sérgio subliña.

Doutór Sérgio haktuir, to’o loron 15/04/2020 iha oras 12:00 rekolla dadus, total ema ne’ebé sei iha kuarentena hamutuk 569 inklui iha kuarentena Hotel Katuas. Numeru ne’e inklui iha Dili hamutuk 456 no iha munisípiu sira hamutuk 113. Suspeitu ne’ebé halo ona teste 210, na’in neen kazu provavel, na’in 31 sei hein rejultadu, na’in 167 mak negativu no na’in ualu pozetivu inklui ida ne’ebé rekopera ona.

Iha oportunidade, Doutór Sérgio mos haktuir, husi dadus iha leten inklui mós ona teste ba kondutór na’in rua no ajudante na’in haat ne’ebé ministériu saúde aluga tula pasajeiru sira husi Batugade ba Dili iha loron 01/04/2020.

Doutór Sérgio husu ba públiku liuliu família afetadu sira atu labele pániku tanba pasiente na’in hitu dadauk iha izolamente ho kondisaun di’ak hela.

“Husu ba populasaun atu labele pániku. Husu atu konfia nafatin ba governu liuliu ministériu saúde. Kazu sira ne’ebé pozetivu ne’e husi grupu ida de’it,” Doutór Sérgio hatete. (cao)

Please follow and like us:

NOTÍSIA FOUN

Site Statistics

  • Users online: 10 
  • Visitors today : 456
  • Page views today : 566
  • Total visitors : 79,708
  • Total page view: 111,647

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur